شوونوارێن عهفرينێ تێنه دزين
عفرينا روژئاڤاي كوردستانێ ب شوونوارێن خوه بناڤ ودهنگه وبدههان جهێن شوونوار ل عفرينێ ههنه وهك شوونوارێن عێن دارێ كهلا سهمعانێ كهلا نهبي هوري و شكهڤتا دوودهري, وب دههان جهێن دن ههروها گهلهك سامان وشوونوارێن بها وگران ل ژێر زهڤيێن عفرينێ ههنه كو ب سامانێن ژێرزهڤي تێنه ناسكرن.
پارا عفرينێ ئهو كو ههردهم راستي دزيێ ژ ئاليێ حكومهتێن دهسههلاتدار ڤو وهره. د دهما رێژيما بهعسا ئهسهد ده شوونوارێن عێندارێ ب تهمامێ هاتن دزين و ل مووزهخانهيا حهلهبێ هاتن دايين وب تهنێ شێرا عێندارێ ما ئهو ژي ووژبهر كو شێرا عێندارێ نه هات راكرن و مووزهخانهيا حهلهبێ ب شوونوارێن عێندارێ يێن عهفرينێ دهولهمهندبووز
ونها ههر ل سهر شوپا بهعسا فاشست ئهو سامان ژ ئاليێ چهكداران ڤه ل عفرينێ تێنه دزين ووان چهكدارارن دهست ب كۆلاندنا زهڤيێين وهلاتييان كرنه داكو سامان و شوونوارێن ژێر زهڤي ژ خوه ره دهربخينن, ژێدهرهك تايبهت ژ ناڤچهيا جندرێسێ ژ ئاركێ راگهاند كو هن چهكدار ژ چارشهما بوري ڤه ژ بيست وشهشێ مهها گولانێ ڤه دهست ب كۆلاندنا زهڤييان وهلكرنا دارێن زهيتوونان كرنه داكو سامانێن ژێر زهڤي ژ خوه ببن وبفرۆشن.
ژێدهرا تايبهت دا زانين كو ئهو چهكدار ب ترێكسان دارێن زهيتونان هلدكن وزهڤيێن چاندنيێ تێكدبن و ژ وهلاتيێن كو زهڤيێن وان راستي زيانێ هاتنه : بهكير حتۆ وعهبدۆ موراد ئهحمهد و ئيبش زهلۆ و عبدولرهحمهن زهلۆ و محهمهد وموراد ئوبۆ نهبي . ويا بالكێش ئهو كو ترێكس ب دانێ سبێ ب كارێ كۆلانێ رادبن بێ كو تو رێگرێ ژ وان چهكداران ره وهره دايين.
بدههان رهوشێن بنپێكرن وتالانكرنا مال وملكێن وهلاتيێن عفرينێ هاتنه تۆماركرن وتا نها بهردهوامن بێ كو تو ئالييهك چارهيهكێ يان سينۆرهكێ ژ وان دهينن.
شێخۆ عهفرينێ
572
