ئهنهكهسێ داخويانييهك دهربارێ سهرهدانا مۆسكۆێ بلاڤكر
پشتي كو ئهنجومهنا نشتيماني يا كوردي ل سوريێ سهرهدانا روسيا كر ئيرۆ 30/5/2018 داخويانييك دهربارێ سهرهدانا ئهنكهسێ ژ مۆسكۆيێ بلاڤكر
داخويانييا ئهنجومهنا نشتيماني ياكوردي ل سوريێ ئهڤه :
رۆژا ٢٩.٠٥.٢٠١٨ان شاندەکە ئەنجومەنا نشتیمانی یا کوردی ل سووریێ ب سەرۆکاتیا برێز سعوود مەلا و ئەندامتیا ھەر یەک ژ برێز کامیران حاجۆ و ئبراھیم برۆ و حەواس عەگید ب برێز میخائێل بۆگدانۆف شاندەیێ سەرۆکێ رۆسیا یێ تایبەت بۆ رۆژھلاتا ناڤین و ئەفریقیا و جیگرێ وەزیرێ دەرڤە یێ رۆسیا و ھەردو ئالیکارێن وی ل ئاڤاھیا وزارەتا دەرڤەیا رۆسیێ رە ل مۆسکۆیێ جڤیا.
ھەردو ئالیان ھەژمارەک پرسێن سیاسی ل سووریێ ب تایبەت پرۆسەیا سیاسی ژ بۆ چارەسەریەکە سیاسی ل گۆری بەیانامەیا جڤێڤ١ و بریارا ناڤدەولەتی ٢٢٥٤ گەنگەشە کرن، پرسا کۆمیتا دەستووری ژی ھات گەنگەشەکرن و تەکەزی ل سەر گرنگیا گەرەنتیا مافێن ھەموو پێکھاتەیێن سووریێ د دەستوورا سووریێ یا پێشەرۆژێ دە ب تایبەت مافێ گەلێ کورد ل سووریێ ھات کرن.
ئەنجومەنا نشتیمانی ژی ژ ئالیێ خوە ڤە تەکەزی ل سەر وێ یەکێ کر کو دڤێ سووریایا پێشەرۆژێ دەولەتەکە فدرالی فرەھالی دیموقراتی بە.
رەوشا نھا ل عەفرینێ و گرنگیا ڤەگەرا وەلاتیان بۆ ناڤچەیێن خوە و دابینکرنا ئارامی و جێگیریێ و رێڤەبرنا ناڤچەیێ ژ ئالیێ خەلکێ خوە ڤە و دوورکەتن ژ ھەر بابەتا کو پەیوەندیێ ناڤبەرا پێکھاتەیێن سووریێ دە ئالۆز بکە و ب تایبەت مەترسیا ژ پرسا گوھەرتنا دەمۆگرافی ھات گەنگەشەکرن.
ئالیێ رۆسی ژی تەکەزی ل سەر گرنگیا پەیوەندیێ ب ئەنجومەنا نشتیمانی رە د سووریایا پێشەرۆژێ دە ژ بۆ پاراستنا پێکڤەژیانێ ناڤبەرا ھەموو پێکھاتەیێن سووریێ و گرنگیا دانووستاندنان ناڤبەرا ھەموو ئالیێن پەیوەندیدار ژ بۆ گەرەنتیا پێشەرۆژەکە ئارام و دەمۆقرات و ئازاد ژ بۆ جڤاکا سووریێ، کر.
شاندا ئەنجومەنا نشتیمانییا کوردی
مۆسکۆ ٣٠.٠٥.٢٠١٨
453