تۆرا سوریێ : د مەها گولانێ دە هەری كێم 147 رەوشین بنچاڤكرنێ هاتنە تۆماركرن

ارك نيوز .. تۆرا سوریێ یا مافێن مرۆڤان راپۆرتا خوە یا مەها گولانێ بەلاڤ كر وتیدە هەژمارا كەسین كو هاتنە بنچاڤكرن ژ تەڤایا ئالیان ڤە بەلگەكریە .

لگۆری د راپۆرتا تۆرا سوریی یا مافین مرۆڤان دە هاتیە كو د مەها گولانێ دە هەری كێم سەد و چل و حەفت رەوشێن بنچاڤكرنێ ژ ئالیی رێژیمێ ، و قسدێ و كۆمێن چەكدار یێن بسەر ئۆپۆزسیۆنێ ڤە هاتنە تۆماركرن كو ژ وی هەژماری سێزدە زارۆك و چار ژنن .

وەكە تۆرا سوریێ یا مافین مرۆڤان د راپۆرتا خوە دە ئەشكەرە كریە كو د مەها گولانێ دە هەری كێم سەد و چل و حەفت كەس هاتنە بنچاڤكرن ، پینجی و حەفت كەس لسەر دەستێ ریژیما ئەسەد ، چل وهەیشت كەس دناڤ واندە سێزدە زارۆك لسەر دەستێ قسدێ ، و سیه و یەك كەس ژ ئالیێ كۆمێن چەكدار یێن بسەر ئۆپۆزسیۆنێ و یازدە ژی لسەر دەستێ دەستەیا تحریر الشام ڤە هاتنە بنچاڤكرن .

تۆرا ناڤهاتی د هەمان راپۆرتا خوە دە ئاماژە ب وی چەندێ كر و گۆت كو هەموو ئالیێ لسوریێ پابەندن ب جیبجیكرنا یاسایا ناڤدەولتی یا مافین مرۆڤان لێ هەموو ژی بنپێكرنان دەرمافێ وەلاتیان دە لسوریێ ئەنجام ددن و پرۆسەیێن بنچاڤكرنێ ژ ئالیێ وانڤە بەردەوامن و رۆژانە سڤیل تێنە بنچاڤكرن و بۆ جهێن نەدیارڤە تێنە برن .

د داویا راپۆرتا خوە دە تۆرا سوریی یا مافین مرۆڤان تەكەزی لسەر پێویستیا ئاڤاكرنا كۆمیتەیەك تایبەت سەربخوە ژبۆ چاڤدێریكرنا حالەتێن بنچاڤكرنێ ژ نەتەوێن یكگرتی و ئالیێن گەرەنتۆرد سوریێ دە كر هەروەها داخوازا خستنا فشارەكە زێدە بۆ سەر تەڤایا ئالیان ژبۆ دیاركرنا چارەنیڤیسا بنچاڤكریان د زوترین دەم دە كر .

658