عهفرين .. ڤهگهرا مالباتێن كورد بهردهوامه
كال وپير وژن وزارۆك وتهڤ ئوتومبێل و تراكتۆر و كهل وپهلێن ناڤ مالێن خوه ژ دهڤهرێن دهربدهريێ بهرڤ گوند وناڤچهيێن خوه ڤهدگهرن ورۆژانه رێژهيا مالباتێن كو ڤهدگهرن سهر مال ووارێن خوه زێده دبه.
ژێدهرهك تايبهت ژ ناڤ عفريێنێ راگهاند كو پێلا ڤهگهرێ رۆژ ب رۆژ بلندتر وزێدهتر دبه و خهلكێ كو ژ بهر شهر وپهڤچوونان بهرێ خوه دابوون دهڤهرێن حهلهبێ ئێدێ ڤهدگهرن گوند وناڤچه وباژارێ خوه. ژێدهرا ژ ناڤ عهفرينێ ههروهها دا زانين كو كهسێن ڤهدگهرن عفرينێ پرانيا وان ژ نبل وزهرا و كامپێن فافين و تل سوسين و گوندێ عزازێ وهك ئهحرهزێ ودارهعزێ تێن .
وژ ئاليێ خوه ڤه ئهندامێن ئهنجومهنا خوهجهي يا ناڤهندا باژارێ عفرينا رۆژئاڤاێ كوردستانێ پێشوازيێ ل مالباتێن كورد يێن ڤهدگهرن سهر مال ووارێن خوه دكن . ژێدهرك ژ ناڤ ئهنجومهنا خوهجهي يا عفرينێ ژ ئاركێ راگهاند كو ژ دهما كو رييا كيمارێ ل پێشيا ڤهگهرا خهلكێ عفرينێ هاتيه ڤهكرن ورۆژانه ئهندامێن ئهنجومهنا خوهجهي ل سهر رێبهندا كيمارێ پێشوازيێ ل وان مالباتان دكن, ژێدهرێ ههروهها تهكهز كر كو ئهنجومهنا خوهجهي ئاليكاريێن دهسپێكي ژ وان مالباتان ره وهك ئاڤ و خوارن پێشكێش دكن وب خێرهاتنا وان دكن.
ههر لسهر كار و خهباتا ئهنجومهنا خوهجهي يا ناڤهندا باژارێ عهفرينێ ئهندامهكي ژ ناڤ ئهنجومهنێ ژ ئاركێ راگهاند كو ب بونهيا رهمهزانا پيرۆژ ئهنجومهن ئاليكاريان ل سهر خهلكێ عفرينێ بلاڤ دكه ههروهها دا زانين كو نڤيسگهها هاوهرچوونێ يا سهر ب ئهنجومهنێ ڤه رۆژانه سهپهتێن خوارنێ ل سهر خهلكێ بلاڤ دكه ول مزگهفتان خوارن ل مالباتێن ههژار و دهربدهر ره تێنه پێشكێش كرن .
شێخۆ عهفريني
591
