عه‌فرين .. 620 ژ خوله‌كه‌ پۆليسان ده‌رچوون

پشتي ده‌مه‌كێ ژ راهينان وپه‌روه‌ر‌ده‌يێ خوله‌ك پۆليسان كو 620 كه‌س تێده‌ به‌شدار ببوون د مرامسيمه‌كێ ده‌ ل عفرينێ ده‌رچوون وبريارا ل شوونا چه‌كدارێن ئارتێشا نشتيماني يێن سه‌ر بحكومه‌تا سوريا ده‌مكي جهێ خوه‌ بگرن و كار ژ بۆ دابينكرنا ئه‌ولكاريێ ل گوند وناڤچه‌يێن عفريني بكن و هه‌روه‌ها به‌شه‌ك ژ وان پوليسان كار ژبۆ راكرن وپاككرنا ماينان ل ناڤ مال وگوندان ده‌ رابن.


ئه‌ندامه‌كي كورد خه‌لكێ عفرينێ ژ پۆليسێن له‌شكه‌ري كو به‌ريا نها ژ خولێ ده‌رچوويه‌ و نه‌ خوه‌ست ناڤێ وي ئه‌شكه‌ره ‌ببه‌ ژ ئاركێ راگهاند كو هێدي هێدي چه‌كدار ژ ناڤ گوندان تێنه‌ ده‌رخستن ژ به‌ر كو ب كارێ دزيێ رادبن و ئه‌و يه‌ك دبه‌‌ جهێ نه‌رازيبوونا خه‌لكێ. وي ئه‌ندامي هه‌روه‌ها ته‌كه‌ز كر كو چه‌كدار ژهن تاخێن عفرينێ وگوندێ جوقێ يێ سه‌ر ب ناڤه‌ند ڤه‌ وگوندێ حوسێ يێ ناڤچه‌يا ماباتا هاتنه‌ ده‌رخستن ‌ ول شوونا وان پوليسان جهێ خوه‌ گرتنه .


ژ ئاليێ خوه‌ ڤه‌ ژێده‌رك ژ تاخا مه‌حمووديێ يا عفرينێ ژ ئاركێ دا خوياكرن كو به‌ريا چه‌ند رۆژان گروپنه‌ چه‌كداران ‌ ئيريشه‌ك برن سه‌ر تاخێ وده‌ردۆرا 200 كه‌س ب تۆمه‌تا هه‌بوونا گروپن ڤه‌شارتي ئه‌نكو خه‌لايا نايمه گرتن .


ژێده‌را مه‌حموديێ ته‌كه‌ز كر كو مه‌بست ژ وێ ئيريشێ دزي وتلان بوو ژبه‌ر كو پشتي ب كارێ دزيا كه‌ل وپه‌لێن بچووك وه‌ك زێر و پاره‌ رابوون ديسا ئه‌و گرتي سه‌ربست به‌ردان وگوتن تو گروپن ڤه‌شارتي ل تاخێ تونه‌نه‌ .‌
وه‌لاتيێن عفرينێ ئێدي ب كريارێن چه‌كداران بێ زار بوونه‌ و دخوازن ب زووترين ده‌م پۆليس ب شێوايه‌كي فه‌رمي ده‌ست ب كارێ خوه‌ بكه‌ و ئه‌ولكاريێ ڤه‌گه‌رينه‌ عفرينێ وژبه‌ر كو وه‌ك ئه‌و دبێژن هه‌ر چه‌ند رۆژان شه‌ر وپه‌ڤچوون د ناڤبه‌را وان گرۆپان رووددا وئه‌و يه‌ك ئه‌ولكاريا عفرينێ تێكدده‌ و ره‌وشه‌كه‌ ژ ته‌ڤليهه‌ڤيێ ل گوند وتاخێن عه‌فرينێ دئافرينه‌
شێخۆ عه‌فريني
‌

780