كاميران حاجۆ: ئهم د قوناغا چهسپاندنا مافێ گهلێ كورد ده نه
سهرۆكێ ئۆفيسا تێكليێن دهرڤه يا ئهنجومهنا نشتيماني يا كوردي ل سووريێ راگهاند كو ئهو وهكه پێكهاتهيهكه سهربخوه دناڤا دهستهيا دانووستانكار ده كاردكن, و ئهو نها د قوناغا چهسپاندنا مافێ گهلێ كورد د دهستوورا سووريايا پێشهرۆژێ ده نه.
د ههڤديتنهكێ ل گهل مالپهرا فهرمي يا پارتيا ديموقراتا كوردستان-سووريا ئهندامێ پۆليتبيرۆيا پارتيا ديموقراتا كوردستان-سووريا و سهرۆكێ ئۆفيسا تێكليێن دهرڤه يا ئهنجومهنا نشتيماني يا كوردي ل سووريێ كاميران حاجۆ دهربارێ جڤينا ريادێ گۆت وان تا نها خشتهيا كار يا جڤينێ وهرنهگرتيه, لێ تشتا چاڤهرێكري ئهوه كو ئهوێ سيستهما سياسي يا پێشهرۆژێ ل سووريێ گهنگهشه بكن و كۆميتهيا دهستووري ژبۆ ههژمارهك گرووپان هاتيه دابهشكرن كو وێ پهيرۆيا ناڤخوه يا كۆميتهيا دهستووري و سيستهما پهرلهمانتێ و سيستهما سهرۆكاتيێ و سيستهما تێكهل گهنگهشه بكن و دبه كو كۆميتهيا بهرههڤكرنا دهستوورێ ژي وهره دهستنيشانكرن لێ ئهو نزانن ئايا وێ پێچ كهس ژ ههر ليستهيێ ئانگو پازده كهس وهرن دهستنيشانكرن, واته ليستهيێن ئۆپۆزسيۆن, رێژيم و ديمهستۆرا.
حاجۆ سهرباركر كو ئهو ب دوو نوونهران هاتنه جڤينێ, نوونهرهك ژ ئهنهكهسه و نوونهرێ دن ئهندامێ ئهنهكهسه دناڤا كوالسيۆنا ئۆپۆزسيۆنا سووريێ ده, و ئهو وهكه پێكهاتهيهكه سهربخوه دناڤا دهستهيا دانوستانكار ده نه.
ههر دهربارێ جڤينا ريادێ, حاجۆ گۆت ئهوێ پرسا دهستوورێ گهنگهشه بكن و تهكهز كر كو نها ئهو د قوناغا چهسپاندنا مافێ گهلێ كورد د دهستوورا سووريايا پێشهرۆژێ دهنه و ئهو يهك ژ قوناغێن ههري ئالۆز و زهحمهتن.
دهربارێ ليستهيێن كو ژبۆ بهرههڤكرنا دهستوورێ هاتنه ئامادهكرن حاجۆ گۆت نهرازيبوونهك ژ ئاليێ رۆسيا و رێژيمێ لسهر ليستهيا ديمهستۆرا ههيه و ئهو ئالي ههولددن ناڤ و ئهندام نێزيكي رێژيمێ بن ژبۆ مسۆگهركرنا رێژهيا ئاليگر ژ رێژيمێ ره د پرسا دهستوورێ ده.
642
