پێشنیارێن ئۆكرانیا بۆ بەرقەراربوونا ئاشتیێ

آرك نيوز.. رۆژنامەڤانەك ب ناڤێ فەریدە رۆستامۆفا ناڤەرۆكا پێشنیارێن كو ئۆكرانیا بۆ رۆسیا رۆژا سێشەمێ رێكەفتا ( 29 ئادارا 2022 ) ل ئستەنبۆل ژ بۆ بەرقەراربوونا ئەولەهیێ پێشكێشكرنە ئەشكەرە دكە، وپێشنیارا كیێڤ یا سەرەكە بۆ رۆسیا بێ ئالیبوونا بەردەوامە.

یەك .. ئۆكرانیا وێ خوە وەكە دەولەتەكە بێ ئالی رابگهینە, وتو هەڤپەیمانیەكێ ل گەل تو ئالیەكی دروست ناكە, وچەكێن خوە یێن ئۆتۆنۆمی ب پێش ناخە, ئەوژی ل هەمبەر گەرەنتیێن یاسایی یێن ناڤدەولەتی, وئەو وەلاتێن كو ئەگەر هەیە ببن گەرەنتۆر ئەڤن : رۆسیا ، بەریتانیا ، صین ، ئەمریكا ، فەرەنسا ، توركیا ، ئەلمانیا، كەنەدا ، ایتالیا ، پۆلەندا، ئیسرائیل. وهەر وەلاتەكی دن كو دخوازە تەڤلی ببە.

دو .. ئەو گەرەنتیێن ئەولەهی یێن ناڤدەولەتی بۆ ئۆكرانیا جزیرە القرم وسیفاستۆبۆل وژمارەیەك ناڤچەیێن دەستنیشانكری ژ دۆنباس ل خوە ناگرە , وپشترە رێكەفتن ل سەر وەرە كرن.

سێ .. ئۆكرانیا پەیمانێ ددە كو تەڤلی تو هەڤپەیمانیەكە لەشكەری نابە , وریێ نادە تو بنگەهەكە لەشكەریا بیانی ل ناڤا خاكا ئۆكرانیا وەرە ئاڤاكرن, وریێ نادە تو كارەكی لەشكەری وەرە ئەنجامدان ب بێ رازیبوونا وەلاتێن گەرەنتۆر .

چار .. ئۆكرانیا ووەلاتێن گەرەنتۆر رازینە كو دەما هەر ئێریشەك ل دژی ئۆكرانیا وەرە ئەنجامدان, ژ مافێ ئۆكرانیایا بەرەڤانیێ ل خوە بكە, ل گۆری بریارا ناڤدەولەتی یا ژمارە 51 ژ یاسایا نەتەوێن یەكگرتی. وتەڤایا ئالیێن گەرەنتۆر وێ د زووترین دەم دە ئالیكاریا ئۆكرانیا بكن ئەگەر ئۆكرانیا داخواز بكە.

پێنج .. دەما هەر ئێریشەك ل دژی ئۆكرانیا وەرە ئەنجامدان, ئۆكرانیا وێ ئەنجوومەنا ئەولەهیا ناڤدەولەتی ئاگەهدار بكە, وژ ئالیێ خوەڤە ئەنجوومەنا ئەولەهی وێ رێكارێن پێویست بگرە بەر تاكو ئەولەهی وسەقامگیری وەرە پاراستن.

شەش.. بجیكرنا رێكارێن پێویست ژ بۆ پاراستنا كارڤەدانێن استفزازی, ورێكەفتن وێ ئالیەتا پابەندیێ ب پەیمانێن ل گەل ئۆكرانیا هاتنە كرن رێكبخە.

حەفت .. رێكەفتن وێ ب ئاوایەكی دەمكی وەرە بجیكرن ژ رێكەفتا كو ئۆكرانیا ووەلاتێن گەرەننتۆر ل سەر ئمزە بكن, ووێ ب تەمامی بكەڤە وارێ بجیكرنێ دەما كو رازیبوون ل سەر بێ ئالیبوونا ئۆكرانیا د رێفراندۆمەكە نشتیمانی دە وەرە كرن. ول گۆری رێفراندۆمێ دەستوورێ ئۆكرانیا وێ وەرە راستكرن, ول پەرلەمان وێ وەرە پەسەندكرن.

هەشت .. هەردو ئالی وێ پابەند بن د چارەسەركرنا تەڤایا دۆسەیێن پەیوەندیا وان ب جزیرا القرم ، وسیفاستۆبۆل ڤە هەیە , ئەوژی د ریێا دیالۆگێ ڤە ناڤبەرا ئۆكرانیا ورۆسیا دە بۆ دەما 15 سالان , وهەردو ئالی پەیمانێ ددن كو دریێا لەشكەری ڤە كێشەیێن جزیرە القرم وسیفاستۆبۆل چارەسەر نەكن.

نەهـ .. ئۆكرانیا ورۆسیا وێ د راوێژیێ دە ب بەشداریا وەلاتێن گەرەنتۆر بەردەوام بن, ئەوژی تاكو بگهنە رێكەفتنەكێ كو ل گۆری رێكەفتنێ ئەولەهیا ئۆكرانیا وەرە پاراستن وئیدی ریێ ب دروستكرنا شەر نەوێ دان, وهێز وەرە ڤەكشاندن, وكەریدۆرێن مرۆڤی وەرنە ڤەكرن, وتەرم ودیلێن شەر ب هەڤ وەرنە گوهارتن.

دەهـ .. هەردو ئالی دبینن كو ل دارخستنا جڤینەكێ ناڤبەرا سەرۆكێ ئۆكرانیا وسەرۆكێ رۆسیا دە ئاساییە, ئەوژی تاكو ئمزەیێ ل سەر رێكەفتنێ بكن, ول سەر دۆسەیێن كو هینا نەهاتنە چارەسەركرن گۆتووبێژیێ بكن.

284