بریارە د ئادارێ دە جڤینەك سێ ئالی دەربارێ سوریێ وەرە لدارخستن

ارك نیوز .. بریارە جڤینەك وەزاری ناڤبەرا هەرسی وەلاتێن گەرەنتۆر توركیێ ، روسیا و ئیران دەربارێ سوریێ وەرە لدارخستن .

د كۆنگرێ رۆژهەلاتا ناڤین میخائیل بۆغدانۆف جیگری وەزیرێ دەرڤەیێ روسیا ئەشكەرە كر كو سێرگی لاڤرۆف وەزیرێ دەرڤە یێ روسیا وی بەشداریێ د جڤینا وەزاری یا تایبەت ب دانوستاندنێن استانا یا دەرباری سوریێ یاكو بریارە ل انتالیا وەرە لدارخستن .

بۆغدانۆف دیار كر كو بریارە رۆژا یازدێ ئادارا بێ جڤینەك وەزاری سێئالی ناڤبەرا وەزیرێن دەرڤە یین هەرسی وەلاتێن گەرەنتۆر روسیا ، توركیێ ، وئیران یا تایبەت ب استانا دەرباری سوریێ ل انتالیا وەرە لدارخستن ، و گۆت جڤین وی سێ رۆژان دریژ بكە واتە تا سێزدی ئاداری .

جیگرێ وەزیرێ \دەرڤەیێ روسیا دا زانین كو دانوستاندنێن استانا یا دەرباری سوریێ یا هەری گرنگ و ئاڤاكرە ژبۆ چارەسەركرنا كریزا سوریێ ،وژبۆ ڤێ یەكێ روسیا بەردەوام پەیوەندییێ ب هەڤپارێن خوە توركیێ و ئیران رە دكە .

پێشوەخت وەزیرێ دەرڤە یێ توركیێ مولود چاویش ئۆغلۆ راگهاندبوو كو ژبۆ دیتنا چارەسەریەكێ ژ كریزا سوریێ رە وەلاتێ وی ئامادەكاریێن لدارخستنا جڤینا وەزاری یا سێ ئالی دناڤبەرا هەرسی وەلاتێن گەرەنتۆر لباژارێ انتالیا لتوركیێ دكە .

ژ ئالیێ خوەڤە مەدیایا روسی راگهاندبوو كو لیۆنید سلۆتسكی سەرۆكێ كۆمیتا كاروبارێن ناڤدەولتی د ئەنجومەنا الدوما یا روسی لگەل وەزیرێ دەرڤە یێ ریژیما سوریێ فێسەل المقداد رە جڤیابوو و لگەل وی داوین پێشڤەچوونێن سوریێ گۆتوبیژكربوو و تەكەزی لسەر بەردەوامیا پشتەڤایا روسیا ژ رێژیما ئەسەد رە ژ هەموو بواران ڤە و بتایبەتی د وارێ ئەولەهی دە و پەیداكرنا ئارامی و ئەولەهی و رووبرووبونا تەرۆرێ و پاراستنا سەروەری و یەكپەرچەییا خاكا سوریێ هاتە كرن هاتە كرن .

پێش چەند رۆژان ئالیكارێ جیگرێ وەزیرێ دەرڤەیێ روسیا سێرگی فیرشینین ئەشكەرە كربوو كو روسیا وی زنجیرەك هەڤدیتن لگەل گێر بێدرسۆن شاندەیی ناڤدەولتی یێ تایبەت بۆ سوریێ ، و فێسەل المقدار وەزیرێ دەرڤەیێ رێژیما سوریێ رە ل مۆسكۆیێ ئەنجام بدە .

362