ژبۆ گەنگەشەكرنا دۆسەیا سوریێ ،بریارە حەفتیا بێ بێدرسۆن والمقداد سەرەدانا روسیا بكن
ارك نيوز .. روسیا ئەشكەرە كر كو حەفتیا بێ شاندەیێ ناڤدەولتی یێ تایبەت بۆ سوریێ ، و وەزیرێ دەرڤە یێ رێژیما ئەسەد سەرەدانا مۆسكۆیێ دكن و وێ لگەل بەرپرسیارێن روسی ژنجیرەك هەڤدیتن ئەنجام بدن
سێرگی فیرشینین جیگرێ وەزیرێ دەرڤەیێ روسیا ژ رۆژنامەڤانان رە راگهاند كو بریارە حەفتیا بێ گێر بێدرسۆن شاندەیێ ناڤدەلوتی یێ تایبەت بۆ سوریێ و فیسەل المقداد وەزیرێ دەرڤەیێ رێژیما سوریێ دگهیژن مۆسكۆیێ ب ئارمانجا ئەنجامدانا زنجیرەك هەڤدیتن لگەل بەرپرسیارین روسی دەربارێ سوریێ .
ژ ئالیێ خوەڤە بەردەڤكا وەزارەتا دەرڤەیا روسیا ماریا زاخارۆفا بەریا دوو رۆژان راگهاندبوو كو بریارە ل مۆسكۆیێ رێكەفتا بیست و یەكێ ڤێ مەهێ سێرگی لاڤرۆف وەزیرێ دەرڤە یێ روسیا لگەل هەڤشانێ خوە وەزیرێ دەرڤەیێ رێژیما ئەسەد فیسەل المقداد رە بجڤە ، هەروەها رۆژا بیست وسیێ ڤەهێ ژی لگەل بێدرسۆن بجڤە ولگۆری زاخارۆڤا دایە زانین كو بریارە د جڤینا ناڤبەرا لاڤرۆف و بیدرسۆن دە ژمارەك مژارێن گرنك دەرباری دۆسەیا سوریێ وەرنە گۆتوبیژكرن .
رۆژا سێشەمێ بووری گێر بیدرسۆن شاندەیێ ناڤدەولتی یێ تایبەت بۆ سوریێ گهشتە شاما پایتەختا سوریێ و لگەل وەزیرێ دەرڤەیێ رێژیمێ فیسەل المقداد رە جڤیا و لگەل وی دۆسەیا سوریێ بگشتی و جڤینێن كارێ كۆمیتەیا دستورا سوریێ یا پێشەرۆژێ بتایبەتی گۆتوبێژكر .
پشتی بداویهاتنا جڤینێ بێدرسۆن داخویانیەك دا وگۆت كو پشتی هەڤدیتنا وی لگەل المقداد ئەو گەشبینە كو گەرا حەفتان ژ جڤینێن كارێ كۆمیتەیا دستوری سوریێ یا نوو د هەیڤا ئادارێ دە دەست پێ بكە.
دیاركر ژی كو ئەو بنیازە لگەل نوونه‌رێ رێژیمێ د كۆمیتا ده‌ستوورێ ده احمد الكزبەری ره بجڤه و پشتره ژی ب هەڤپەیمانیا نشتمانی یا.ئوپۆزیسیۆنا سووریێ ره پێوه‌ندیێ بكه, داكو كاربن ڤه‌خوه‌ندنامه‌یێ بشینن.
سەرەدانا بێدرسۆن بۆ شامێ هات پشتی جڤینێن وێ لگەل بەرپرسیارێن ئیرانی و روسی ژبۆ لدارخستنا گەرا نوو ژ جڤینێن كاری كۆمیتەیا دستورا سوری .
ب ئارمانجا پێشڤەبرنا چارەسەریا سیاسی لسوریێ نەخاسم پشتی نەسەركەفتنا گەرا شەشان ژ جڤینێن كۆمیتەیا دستورا سوریێ یا نوو ل جنێفێ ، گێربێدرسۆن شاندەیێ ناڤدەولتی یێ تایبەت بۆ سوریێ گەرەك بۆ رۆژهەلاتا ناڤین ئەنجام دا كو ژمارەیەك وەلاتێن عەربی وەكە عەرەبیستانا سعویی ، ئۆردن ، ئیمارات ، عوومان لخوە گرتبوو و لگەل بەرپرسیارین وان وەلاتان دۆسەیا سوریێ بگشتی و چاوانیا دیتنا چارەسەریەك سیاسی بۆ بداویئانینا كریزا سوریێ گۆتوبێژكرن .
303
