داوین زانیاری لسەر ئێریشا ئەگەركری یا روسی بۆ سەر ئۆكرانیا

ارك نیوز .. سەرۆكێ ئەمریكا وسەرۆكێ ئۆكرانیا پەیوەندیەكە تەلەفوونی ئەنجامدان, وهەردو ئالی ل سەر رووبرووبوونا ئێریشا رۆسیا یا ئەگەركری ل سەر ئۆكرانیا یەك نەرین بوون.

كۆشكا سپی یا ئەمریكا راگەهاند كو جۆ بایدن سەرۆكێ ئەمریكا پەیوەندیەكە تەلەفوونی ل گەل ڤلۆدیمیر زیلینسكی سەرۆكێ ئۆكرانیا ئەنجامدا, وسەرۆكێ ئەمریكا تەكەزی ل سەر وێ چەندێ كر كو ئەمریكا هەڤپەیمانێ ب هێزە بۆ ئۆكرانیا د رووێ هەر ئێریشەكە رۆسی دە ل سەر ئۆكرانیا.

وەكە كۆشكا سپی دایەزانین پەیوەندیا تەلەفوونێ 50 خولەكی درێژكر, وبایدن بۆ سەرۆكێ ئۆكرانیا تەكەز كریە كو ئەمریكا ل گەل هەڤپەیمانێن خوە وێ بەرسڤەكە لەزگین ویەك ئالیكەر بدە ئەگەر رۆسیا ئێریشی ئۆكرانیا بكە.

ل گۆری داخویانیا كۆشكا سپی هەردو سەرۆك یەك نەرین بوون ل سەر گرینگی پێدانێ ب پەیوەندیێن دبلۆماسی وهەڤپەیمان بن درووێ هەر ئێریشی وگەفەكێ دە, وسەرۆكێ ئۆكرانیا داخواز ژ سەرۆكێ ئەمریكا كر كو د نێزیكیترین دەرفەت دە سەردانا ئۆكرانیا بكە , وهەروەها داخوازا نووكرنا ئالیكاریێن سەربازی وماددی بۆ ئۆكرانیا كر .

ول سەر ئێریشا رۆسیا بۆ سەر ئۆكرانیا رۆژنامەیا یەدیعووت احرونوت یا ئیسرائیلی ئەشكەرەكر كو ئەمریكا ژ حكوومەتا ئیسرائیل رە گۆتنە كو رۆسیا وێ رۆژا سێشەم ویان ژی چارشەمێ ئێریشێ دەستپێ بكە.

وژئالیێ خوەڤە فرانك فالتەر شتاینمایر سەرۆكێ ئەلمانیا هۆشداریا دەستپێكرنا جەنگێ ل ئۆرۆپا رۆژهلات دا, وگۆت كو رۆسیا بەرپرسیارە دبەر دروستبوونا جەنگێ دە.

ورۆژا یەك شەمێ ئارتێشا ئۆكرانیا راگەهاند كو ئەو ژ پلانا بەرەڤانیكرنێ ل دژی ئێریشا رۆسیا ب داوی هاتنە, وسیستەمێ دژە بالەفرێن جەنگی ل سەر تەڤایا سینوورێن ئۆكرانیا ب رۆسیا رە هاتیە بجیكرن.

ل گۆری داوین زانیاریێن هاتنە راگەهاند كو رۆسیا بهتر ژ 100 هەزار سەربازێن خوە بۆ سەر سینوورێ خوە ب ئۆركرانیا رە ڤەگوهاستنە , ومانۆرێن سەربازی ل سەر سینووری بەردەوام ئەنجام ددە.

381