كۆرۆنا .. داوین ئامار

ارك نیوز .. ل تەڤایا ناڤچەیێن سوریێ رۆژانە حالەتێن توشبوون و مرنێ تێنە تۆماركرن ، لگۆری داوین ئامارێن هاتنە بەلاڤكرن لسەرانسەری سوریێ بسەدان كەسێن دن توشی كۆرۆنا بوونە .

دەربارێ داوین رەوشا كۆرۆنا ل ناڤچەیێن كوردی لرۆژئاڤایێ كوردستانێ , دەستەیا تەندروستیێ یا بسەر رێڤەبەریا پەیەدێ داوین ئامارین كۆرۆنا بەلاڤ كر وتێدە راگهاند د بیست و چار سەعەتێن بووری دە حەفتێ و یەك كەسێن دن تووشی كۆرۆنا بوونە بوونە ، 5 كەس ژی مرنە .

لگۆری هەمان دەستەیێ ب تۆماركرنا حالەتێن نوو یێن ڤیروسا كۆرۆنا هەژمارا گشتی یا پێكەتیان لرۆژئاڤایێ كوردستانی دگهێژ 38103 كەسان ژ وێ هەژمارێ 1537 كەس جانێ خوە ژ دەست دانە ، 2533 كەس ژی باش بوونە .

دەربارێ ئامارێن كۆرۆنا ل ناڤچەیێن دبن دەستێ ریژیما ئەسەد دە ، هەژمارا گشتی یا توشبوویان گهشتیە نێزی پێنجی ویەك هەزار كەسی .

وەزارەتا تەندروستیێ یا ریژیما ئەسەد د داخویانیەكێ دە راگهاند كو د هەیاما بیست وچار دەمژمێرێن بوری دە 125 كەسێن دن ب كۆرۆنایێ كەتنە ،3 كەس مرنە و كەس 365 ژی باش بوونە .

لگۆری داخویانیا وەزارەتا تەندروستیا ریژیمێ كو بڤی ئاوایی هەژمارا گشتی یا پێكەتیێن كۆرۆنا ل دەڤەرێن ژێر كۆنترۆلا وێ دگهێژە 52,751 ژ وێ هەژمارێ 3,029 مرنە 43,007 ژی باش بوونە .

و دەربارێ ئامارێن كۆرۆنایێ و وداوین پێشهاتەیێن وێ ل دەڤەرێن ژێر كۆنترۆلا ئۆپۆزسیۆنا سوریێ ژی پرۆگراما هشیاری و بەرسڤدانا نەخوەشیان راگهاند هەژمارا گشتی یا پێكەیان بڤیروسا كۆرۆنایێ ل دەڤەرێن دبن كۆنترۆلا ئۆپۆزسیۆنێ گهشتیە 93,234 كەسان ، ژ وێ 91,531 كەس باش بوونە و 2378 كەس ژی جانێ خوە ژ دەست دانە ..

482