چارەنڤیسا رۆژنامەڤان جەمال خاشقجی ؟
ئهڤه پێنج روژن ل سهر وندابونا چالاكڤان وروژنهمهڤانێ سعودی یێ بناڤێ جهمال جاشقجی كو دهرباسی قنسلخانهیا سعودى ل توركیێ وپشتره وندابو وتو زانیاری ل سهر وی وجهێ وی نه هاته دیار كرن .
ل گوری زانیارێن كو هاته بهلاڤكرن جهمال خاشقجی د ددوێ ڤێ مههێ ده دهرباسی قنسلخانهیا وهلاتێ خوه ل توركیێ ژ بو هندهك تهدابیرێن تایبهت ب ژیانا خوه كو دهزگیرانا وی ژی ل دهرڤهی قنسلخانهیێ ل هیڤیا وی بو .
پشتره مالا راگهاندكارێن عهرهب ل توركیێ راگهاند كو پهیوهندیا وان ب خاشقجی هاته برین پشتی دهرباسبونا وی ژ بو قنسلخانهیا سعودی ههروها دهزگیرانا وی راگهاند كو كارمهندێن قنسلخانهیێ ژێره گوتن كو ئهو ژ ژ قنسلخانێ دهركهت تهڤی كو ئهڤ ل هیڤیا وی بو وئهو نهدیت .
قنسلخانهیا سعودی ل توركیێ د سسێ مههێ ده راگهاند كو خاشهقجی نه ل جهم وانه لێ ل بهرامبهری وێ سهروكاتیا توركیێ تهكهز كر كو زانیارێن وێ دبێژه كو خاشقجی ل ناڤا قنسلخانهیێ یه و وهزارهتا دهرڤه یا توركیێ داخوازا بالیوزێ سعودی ل ئهنقهره كر .
د پێنجێ ههیڤێ ده ئهمیرێ سعودی محمد بن سهلمان تهكهز كر كو خاشقجی ژ قنسلخانهیا وهلاتی وی دهركهتیه ودیار كر كو ئهوێ رێ بدن بهرپرسێن توركی ژ بو كو دهرباسی قنسلخانهیێ ببن ول خاشقجی بگهرن ئهگهر بخوازن .
ئاژانسا رویتهرز ل سهر زارێ پولیسێن توركی راگهاند كو وندابونا شاخهقجی پیلان كریبو ودیار كرن كو ناڤبوری هاتیه كوشتن وتهرمی وی هاته ڤهگوههست ژ بو دهرڤهی قنسلخانهیا سعودی .
جهمال خاشهقجی ژ دایكبویی مهدینه یه د سالا 1957 وهاتنه ناسكرن ب رهخنێن وێ ل حكومهتا سعودی كو ههر دهم رهخنه ل حكومهتا ئهمیر محمد بن سهلمان دكر و وسوزێن وی ههروها گرتیێن د زندانێن حكومهتا سعودی ده .
خاشهقجی راگهاندن د زانكویا ئهندیانا ئهمریكی خوهند وپشتره بو پهیامنیرهكی بناڤ وبانگ پشتی سهركهفتنا وی د شوباندنا كریزێن ئهفغانستان وجهزائر وكویت وروژهلاتا ناڤین بگشتی .
رامان حسو
680