
ناڤەرۆكا سەمینارا سووریا بۆ كیدەرێ ل وەلاتێ قەتەر ب رێڤە دچە
ل وەلاتێ قەتەر سەمینارەك دبن ناڤ ونیشانا سووریا بۆ كیدەرێ ئانگۆ سوریا إلی أین دوه دەستپێكر ووێ ئێرۆژی بەردەوام بكە.
دوه ل دەوحا پایتەختا وەلاتێ قەتەر سەمینارا سووریا إلی أین ب بەشداریا نوونەرێن دام ودەزگەهێن هێزێن شۆرەش وهەڤپەیمانیا سووریێ دەستپێكر.
سەمینار وێ بۆ دەما دو رۆژان بەردەوام بكە وئارمانج ژێ گۆتووبێژكرنا چاوەنیا كێمكرنا باگرانیێ یە ل سەر گەلێ سووریێ, وهەروەها ئەكتیڤكرنا كارێ ئۆپۆزسیۆنێ وگۆتووبێژكرنا میكانیزمێن دەرباسكرنا پرۆسەیا سیاسیا سووریێ ژ رەوشا كو نها تێدەیە.
هەروەها ئارمانج ژ سەمینارا دو رۆژی ئەوە كو ژمارەیەك رێنمایی وبریار وەرنە ستاندن تاكو رۆناهیەك دەربارێ كارێ ئۆپۆزسیۆنێ زەلال بكە, وكار ژ بۆ چارەسەركرنا رەوشا سووریێ وبجیكرنا بریارێن ناڤدەولەتی ژ بۆ سووریێ وەرە كرن.
252