خالد ئيبراهیم: پەكەەك سه‌ركرده‌یێن كوژه‌رێن كوردان, د پارێزێ ووان سه‌ربه‌ست به‌ردده
آرك نيوز.. نڤیسكار خالد ابراهیم ب زەلالی بەحسا ئارمانجا پەكەكە ژ كوشتنا زارۆكێن كوردان دكە ودبێژە پەكەكە ب رژاندنا خوینا زارۆكێن كوردان خوە ژ مالباتێن وان نێزیك دكە وباوەریا مالباتێن زارۆكێن ددێ كوشتن ب دەست دخە.
نڤیسكار خالد ابراهیم د گوتارەكێ دە دبێژە رۆژئاڤایێ كوردستانێ د سەردەمێ دەستهلاتداریا پەكەكە دە بوویە خوەدانێ مەزنترین گۆرستان, ومالباتێن زارۆكێن كو پەكەكە وان ددە كوشتن , پشتەڤانیا كوژەرێن زارۆكێن خوە دكن.
هەروەها نڤیسكار خالد ابراهیم دبێژە كو د زیندانا صناعە یا حەسەكێ دە سەركردە, نیشانڤان, وشارەزایێن چێكرنا چەكان وبۆمبان هەبوون, وپێویست بوو ئەو هەموو ژ هەڤ وەرنە دووركرن, لێ پەكەكە ئەو هەموو ل یەك جهی كۆمكرنە.
خالد ابراهیم ددە خویاكرن كو پێویست تەڤایا رێكارێن پاراستنا سڤیلان دەردۆرا زیندانێ هاتبە بجیكرن, لێ ئەو پرۆپاگەندەیا كو پەكەكە هەر دەم ودەمەكێ دروست دكە وەكە سیناریۆیێن فلمێن هۆلیوودە , وهەتا وەكە نها ژ بۆ خەلكێ ورایا گشتی نەهاتیە خویاكرن سوود ژ زیندانیكرنا داعشان د ناڤا زیندانا حەسەكێ دە چیە .
هەروەها نڤیسكارێ ناڤبووری دبێژە كو ژ بەر كو داعش درندەترین رێخستنا تەرۆرستی یە, یا هەری راست ئەو بوو كو قەسەدە وان تەصفیە بكە ژ بەر تو ئالیەكی ئەو گونهكار نە دكر, ژبەر داعش ب هەزاران كورد وعەرەب ب درندانە كوشتنە, وپێویست بوو ئەو هەموو پەرەیێن ل چەكدارێن داعشێ هاتنە خەرجكرن ژ بۆ باشتركرنا رەوشا دەڤەرێ یا ژیانێ وخزمەتگوزاریێ هاتبا خەرجكرن.
دەربارێ ئارمانجا ئێریشێ ل سەر زیندانا صناعە نڤیسكار خالد ابراهیم دبێژە كو ئارمانج ژ ئێریشێ رزگاركرنا سەركردەیێن داعشێ بوو, ودیار بوو كو ئەوێ ل زیندانا صناعە دروست بوو شانۆ بوو, وقەسەدە وپشتەڤانێ وێ پەكەكە یێ كو ژ ئالیێ ئەولەهیا رژێما ئەسەد وپاسدارێن ئێرانێ ڤە تێ پشتەڤانیكرن, ب زەبرا هێز وگەفخوارنێ ل راگەهاندكاران ناهێلن ئەو راگەهاندكار راستیان ڤەگوهازن.
د گوتارا خوەدە نڤیسكارێ ناڤبوری دبێژە ل جەم قەسەدە وپەكەكە بەهزاد دۆرسن, وئەمیر حامد , وهەر هەشت ئەڤسەرێن كورد , وتەڤایا بنچاڤكریان ژ ئالیێ پەیەدەڤە بهتر مەترسیێ ژ داعشێ ل سەر پەیەدە دروست دكن.
نڤیسكار خالد ابراهیم گۆتژی كو ب ڤێ پیلانێ سینوورێن هەرێما كوردستانێ دكەڤنە مەترسیەكە مەزن دە ژ بەر دەما كو داعش ل سینوورێ شنگالێ خوە رێك دخە, وئێران فەرمانی ب حەشدا شەعبی دكە كو ژ سینوورێ دیالا وكەركووكێ ڤەكشە, دیارە كو ئارمانج ژێ دروستكرنا مەترسی وفشارێ یە لسەر هەرێما كوردستانێ.
وەكە نڤیسكار خالد ابراهیم ددە خویاكرن كو كو نها پشتی پێشڤەچوونێن زیندانا صناعە , پێشڤەچوون ل دەڤەرا دیالا وكەركووكێ وێ دروست ببن, ژ بەر حەشدا شەعبی وئارتێشا عێراقێ وێ خوە ڤەكشینن, وبارگرانی هەموو ل سەر پێشمەرگە دروست ببە.
د بەردەوامیا گۆتنا خوەدە نڤیسكار ژمارەیەك پرسیار دنڤیسە ودبێژە
ـ چاوە ئەڤ هەموو چەك دەرباسی زیندانێ بوونە ؟
ـ ژبەر چێ ئەڤ ژمارەیا مەزن یا تووندرەو وتەرۆرستان د ناڤا باژارێ حەسەكێ دە دهاتنە خوەیكرن.
ـ ئەڤ گرووپا كو ب هەزاران پێشمەرگە , وچەكدارێن قەسەدە كوشتنە, ژ بەر چێ هەتا وەكە نها هاتنە پاراستن؟
د داویا گۆتارێ دە خالد ابراهیم دبێژە كو پەكەكە بەریا نها گەفا كوشتنێ ل وی ومالباتا وی كرنە, ود دەما نهادە ژی هەر مەترسیەك ل سەر وی ومالباتا وی دروست ببە , پەكەكە بەرپرسیارێ یەكەمە دبەردە ؟
290
