محسن طاهر : پەیەدێ رێ ل پێشیێا یەكرێزیێا ناڤ مالا كوردی دگرە
ئەندامێ پۆلیتبیروویێا پارتیا دەمۆقراتا كوردستانا سووریێ محسن طاهر راگهاند كو پشتی 7 ساڵان ژ نەخوەشی وئازارێن كو مللەتێ سووریێ ژێ دنالە دڤێ هەموو ئالی باش بزان نكو چارەسەریێا لەشكەری فەشل ئانی و بژاردەیەكە كۆسە بوو ژ پرسا سووریێ رە وئەنجامێ گەلەك كوشتن و وێرانكرن ل سەر هەموو ئاستی هەبوو.
ئیرۆ5.10.2018، د لێداونەك تایبەت دا ژ بۆ ARK ئەندامێ پۆلیتبیروویێا پارتیا دەمۆقراتا كوردستانا سووریێ (PDK-S) وئەندامێ سەرۆكایەتیا ئەنجوومانا نشتیمانیا كوردی ل سووریێ (ENKS) محسن طاهر گۆت: حەتا فێ رۆژێ چ تێكلیێەك دناڤبەرا مە و یەكیتیا دەمۆقراتیك PYD نینە ، ئەو ژی ژبەر كو PYD ئەو سەرهشكیێ دكە د سەربەستبەردانا گرتیێن سیاسی دە، و زێدەتری 50 ئۆفیسیێن پارتیا مە و ئەنجومانا نشتیمانی كوردی وپارتیێن وی گرتنە وشەوتاندنە ، لەوما ئەز كارم بێژم ژ PYD رە یەكرێزیێا ناڤ مالا كوردی نە گرنگە وبەردەوام هەول ددە كو چ زەمینە وگەش وهەوایەكێ ولێكتێگەهشتنەكێ نەهێلە ئەو یەك ژی دریێال گۆتارا خوە ی اكو بەردەوام ئەنجومانا نشتیمانیا كوردی ب خیانەتێ تۆمەتبار دكە ورۆژەكی ژی ژ سیاسەتێن خوە یێن پیلانگەری ل همبەر تەڤەگەرا كوردی ڤەنەگەرا یە .
سەركرەدیێ ئەنجومانا نشتیمانیا كوردی (ENKS ) گۆتنا خوە سەربار كر وگۆت ئەنجومانا نشتیمانیا كوردی دوێ باوەریێ دە یە كو ب تەنێ یەكرێزیێا گۆتار وناڤ مالاكوردی خزمەتا ئارمانجیێن مللەتێ كورد وپرسا نەتەوەی كوردی دكە وئەڤ یەك ژی پێدڤیێەكی نەتەوی و نشتیمانی ژی یە ، دڤێ PYD ژی ئاستەنگی یا وبەربەستا پەیدا نەكە ورێ ل پێشیێا یەكرێزیێا كوردی نەگرە وتەنی ئەڤ یەك وێ خزمەتا PYD بكە ودێ وێ بگهینە سیاسەتا ناڤدەولەتی وبكە خوەدی پرسا كوردی .
محسن طاهر ئاماژەكر كو بدەستڤەئانینا خەونا یەكرێزیێا تەڤەگەرا كوردی دێ سەركەفتنەكە دیرۆكی ژ تەڤگەرێ رە تۆمار بكە ودێ گاڤەكە ئەرینی بە وخزمەتا بدەستڤەئانینا رەوایەتیەكە(شرعیە) ناڤدەولەتی وهەرێمی وخوەجهی یا پرسا كوردی بكە .
دەربارێ هەلوێستا ئەمەریكی ل همبەری یەكرێزیێا تەڤەگەرا كوردی و سیاسەتا وێ ل بەرمابەر كوردستانا سووریێ ، سەركردەیێ ئەنجومەنێ وەها ئاخڤی: ئەز باوەرم كو ویلایەتا یەكگرتی ئەمەریكی د دەما نها دە چ گرنگی نادە یەكرێزیێا كوردان ل سووریێ، وهێژی نەگەهشتیێە وی باوەریێ كو یەكرێزیێا كوردان دێ ژ خزمەتا ئارمانجیێن ئەمەریكا ل هەرێمێ دە بكە، هەر چەندە ئەمەریكا هێز وشیانا وێ هەیە كو فشارێ بخە سەر هەموو ئالیێن كوردی دەما كو بخوازە.
د داویێا ئاخافتنا خوە دە ژ بۆ ARK ئەندامێ پۆلیتبیروویێا پارتیا دەمۆقراتا كوردستانا سووریێ (PDK-S) وئەندامێ سەرۆكایەتیا ئەنجوومانا نشتیمانیا كوردی ل سووریێ (ENKS) محسن طاهر لە سەر جڤاتیێن ناڤبەرا پارتی وپارتیا پێشەڤەرۆ یا دەمۆقراتا كورد ل سووریێ دە ئاخڤی و گۆت: ل سەر داخوازا پارتیا پێشڤەرۆا كورد ئەم چەند جڤینا هەڤرە جڤین و داوی ترین جڤین ژی دناڤبەرا مە دە رۆژا 23/9/2018 بوو وكۆكا هەڤدیتنێن مە ل سەر داوی پێشهاتەیێن كریزا سووریێ وپرسا یەكرێزیێا ناڤ مالا كوردی ومژاریێن خزمەتا ڤی پرسێ دكە ، بوو. وئەم ژ ئاوایی ب پێشڤەرۆ رە ل سەر ڤەكشینا ئەنجومانا نشتیمانیا كوردی ژ هەڤپەیمانیا نشتیمانی یا ئۆپۆزسیۆنا سووریێ (ائتلاف) نە ئاخڤی نە و نە بووی یە مژارا مە.
1125
