لكازاخستانێ گەرا 17 ان ژ دانوستاندنێن استانا یا دەربارێ سوریێ دەستپێكر
ارك نيوز .. ل باژارێ نور السلتان پایتەختا كازاخستانێ گەرا نوو ژ دانوستاندنێن استانا یا دەرباری سوریێ ب ریێا ئۆن لاین رە دەست پێكر.
ئیرۆ دانێ سبەهێ نور السلتان پایتەختا كازاخستانێ گەرا حڤدەهان ژ دانوستاندنێن ئاستانا یا دەربارێ سوریێ ب ئامادەبوونا نوونەرێن هەرسی وەلاتێن گەرەنتۆر توركیێ و روسیا و ئیران و هەردوو شاندێن ریژیم و ئۆپۆزسیۆنا سوریا دریێا ئۆن لاین رە دەست پێكر وبریارە بۆ دەما دوو رۆژان بیست و یەك و بیست و دووێ بەرچلەیێ دریژ بكە.
لگۆری هاتیە بەلاڤكرن بریارە د گەرا نوو دە تەڤایا ئالی و شاندێن بەشدار داوین پێشهاتەیێن سوریێ ، گهاندنا ئالیكاریێن مرۆڤی بۆ سوریێ ، دووبارە دەستپێكرنا جڤینێن كۆمیتەیا دستورا سوریی یا نوو ، ل جنێفێ ، دۆسەیا گرتی و بنچاڤكریان و بەڤگوهەرتنا دیلان گۆتوبێژ بكن .
بەریا دەستپكرنا ڤی گەرا نوو نوونەرێ سەرۆكی روسیا یێ تایبەت بۆ سوریێ الكسندەر لاڤرینتیف راگهاندبوو كو د ڤێ گەرا نوو دە ئەوێ لسەر رەوشێن میدانی و راوەستاندنا شەر لسوریێ ، و شەرێ رووبرووبوونا داعشا تەرۆریست راوەستن و گرنگیەكە زێدە بدنە ڤان مژاران
400
