10 رێخستنێن مافێن مرۆڤان د داخویانیەكە هەڤبەش دە رەڤاندنا زارۆكێن كورد شەرمەزار كرن

ارك نيوز .. پشتی رەڤاندنا ژمارەیەك زارۆكێن كورد یین ژێر هیژدە سالی ژ ئالیێ چەتەیێن جوانێن شۆرشگەر ڤە ژمارەیەك رێخستنێن سڤیل و یێن مافێن مرۆڤان داخویانیەك هەڤبەش بەلاڤكرن وتێدە بتوندی بنچاڤكرنا زراۆكان شەرمەزار كر و داخوازا ڤەگەراندنا تەڤایا زارۆكێن رەڤاندی بۆ مالباتێن وان كر .

ژماریەك رێخستنێن سڤیل ویێن مافێن مرۆڤان راپۆرتەك دەربارێ رەڤاندن و بنچاڤكرنا ژماریەك زارۆكێن كورد ژ ئالیێ چەتەیێن جوانێن شۆرشگەر بەلاڤ كر وتێدە ئەڤ كریار ب توندی ئیدانە وشەرمەزار كر و داخوازا ڤەگەراندنا تەڤایا زارۆكێن رەڤاندی بۆ مالباتێن وان كر ..

رێخستنێن سڤیل و یین مافێن مرۆڤان د داخویانیا خوە دە دبیژە چەتەیێن جوانێن شۆرشگەر د دەما داویێ دە ژمارەیەك زارۆكێن كورد یێن ژ ێر حیژدە سالی ل ناڤچەیێن كوردی یێن جودا جودا رەڤاندنە و تا نها ناڤی سی زارۆكێن رەڤاندی بتەنێ گهشتیە وان ئەوژی هەرسی كەچێن كو ژ باژارێ عامودێ هاتنە رەڤاندن ناڤێ وان ئەڤن
زارۆكا رەڤاندی یا بناڤی ئەڤین جەلال خەلیل ژ دایكبوویا سالا دووهەزار و شەشان ، هەدیا عبد الرحیم عنتر ژ دایكبوویا سالا دووهەزار و پێنجان ، و ئایانا ادریس ابراهیم ژ دایكبوویا سالا دووهەار و شەشانە .

داخویانیێ سەربار كر وگۆت تەڤی كو د سالا دوو هەزار و نۆزدەهان دە ل جنێفێ ، مەزلووم عەبدێ فەرماندارێ گشتی یێ قسدێ ب ئامادەبوون و سەرپرشتیا ڤێرجینا گامبا نوونەرا تایبەتا ئەمیندارێ گشتی یێ نەتەوێن یكگرتی یا تایبەت ب زارۆكان و نە لەشكەركرنا وان لسەر بەلگەیا قەدەغەكرنا رەڤاندنا زاۆكان و لەشكەركرنا وان هەروەها ڤەگەراندنا زارۆكین كو هاتنە رەڤاندن ئمزەكربوو لێ تەڤی ڤێ ئمزەكرنێ عەبدی سۆزا خوە بجه نەئانی و هینژی زارۆك ژ ئالیێ چەتەیێن جوانێن شۆرشگەر تێنە رەڤاندن و لەشكەركرن .

رێخستنێن سڤیل و یێن مافێن مرۆڤان د هەمان داخویانیا خوە دە دبێژە رەڤاندنا زارۆكێن ژێر هیژدە سالی و لەشكەركرنا وان ب نەچاری بنپیكرنە ژ تەڤایا پرەنسیب و بەلگەنامە ویاسایێن ناڤدەولتی رەیە ، و بڤێ رەڤاندنێ چەتەیێن جوانێن شۆرشگەر زارۆكان ژ مافێن وان یێ زارۆكتیێ پێ پار دكن بتایبەت كو تەمەنێ وان بچووكە و ژێر هیژدە سالی نە .

د داویا داخویانیا خوە دە ئەو دەه رێخستنێن كو لسەر ڤێ داخویانیێ ئمزەكرنە كو بەریا نها ژی چەندین داخویانی دڤێ دەربارێ دە بەلاڤكربوون ، بتوندی رەڤاندنا زارۆكان ولەشكەركرنا وان ژ ئالیێ چەتەیێن جوانێن شۆرشگەر ئیدانە وشەرمەزار كرن و داخوازا ڤەگەراندنا تەڤایا زارۆكێن كو هاتنە رەڤاندن بۆ مالباتێن وان كرن ، هەروەها داخوازا بداویكرنا پرۆسەیێن رەڤاندنا زارۆكان و لەشكەركرنا وان ب یەكجاری كرن ژبەر كو ئەڤ كریار دبە تاوانەكە جەنگی دژی مرۆڤاتیێ .

ناڤێ هەر دەه رێخستنێن سڤیل و یێن مافین مرۆڤان كو لسەر ڤێ داخویانیێ ئمزەكرنە ئەوژی ئەڤن .
رێخستنا مافێن مرۆڤان لسوریێ ماف
رێخستنا كوردی یا مافێن مرۆڤان لسوریێ داد
كۆمیتا كوردی یا مافێن مرۆڤان راسد
ریخستنا ژنا كوردا ئازاد
هێزێن جڤاكا سڤیلا كوردستانی
ریخستنا جڤاكا سڤیلا كوردی ل اۆرپا
ریخستنا بەرڤانیێ دبەر گرتیێن نەرینێ لسوریێ رەوانكە
مالپەرا رۆژ نیوز یا نووچەیان
كۆربەندا كوردستان مالامەیە
و رێخستنا پاراستنا ژینگەهێ نە

293