ئەنجومەنا ئاساییشا هەریما كوردستانێ دەربای كۆچبەران داخویانیەك بەلاڤ كر
ارك نيوز .. دۆه یهكشهمێ 14مژدارا ئەنجوومهنا ئاسایشا ههرێما كوردستانێ داخویانیەك دەرباری كۆچبەرێن كو لسەر سینۆرێ ناڤبەرا بیلا روسیا و پۆلەندایێ ئاسێ مانە بەلاڤ كر وتێدە گۆت كو تو كەسەك ل ههرێما كوردستانێ ژ بهر كێشهیا سیاسی و ئازادیا كهسی نهچار نهبوویه كۆچ بكه.
ئەنجوومهنا ئاسایشا ههرێما كوردستانێ د داخویانیا خوە دە وەها دبێژە ئەڤە دهمهكە و دیاردهیا كۆچكرنێ ژ بۆ وهلاتێن رۆژاڤا سهری هلدایه كو هنهك وەلاتیێن ههرێما كوردستانێ ژ بۆ وهرگرتنا مافێ پهنابهریێ بهرێ خوه دانه بهلاروسێ ژ بۆ بكاربن مافێ پهنابهریێ ل وهلاتێن رۆژاڤا وهربگرن.
ههروها سەربار كر وگۆت كو بهشهك ژ وان وەلاتیان ژ ئالیێ پككێ و كۆمهكه قاچاخچی و هندهك كۆمپانیایێن گهشتیاریێ و هنهك بازرگانێن سیاسی پاوانكاری ب وان هاتیە كرن كو بەهانەیێن جووربهجوور بخنه روو و تۆمهتان ئاراستەیی ههرێما كوردستانێ بكن ژ بۆ دۆسیهیا خوه یا وهرگرتنێ د وان وهلاتان ده بهێزتر بكن.”
ئەنجوومهنا ئاسایشا ههرێما كوردستانێ ئاماژه ب وێ یهكێ ژی كر كو ههرێما كوردستانێ بوویه پێگهههكه ئارام ژ بۆ پێكڤهژیان و ئازادیا تاكهكهسی ژ بهر ڤێ یەكێ ژمارهیهكه مهزن ژ خهلكێ بیانی و وهلاتێن دهردۆر و ههرێمێن دن و عراقێ سوودێ ژ وێ ئارامیا ههرێما كوردستانێ وهرگرتنه ژ بۆ جهێ نیشتهجیبوون و مانێ , ههروها ژ ئالیێ دهرفهتان ڤه باشتركرنا ژیانێ ل ههرێما كوردستانێ د وارێ پێشكەتنێ گاڤێن باش ئاڤێتنه و بوویه جهێ سهردانا خهلكێ دهرڤه یێ ههرێم و وبدەسخستنا دهرفهتێن كار یێن بێهتر و خهلكێ ههرێما كوردستانێ سوودمهند ن ژ وێ پێشڤهچوونێ.
ههروها د بهردهوامیا داخویانیێ ده هاتیه كوتن كو ئهو وەلاتیێن نها لسەر سینۆرێ بهلاروسێ ئاسێ مانه پهرهیهكی زێده خهرج كرنه و ب ریێن یاسایی بەرێ خوە دانە وەی وەلاتێ وگەشت كرنە داكو ژ وی وهلاتی ژی بچن وهلاتهكی دنو گۆت تو كهسهك ل ههرێما كوردستانێ ژ بهر پرسگرێكا سیاسی و ئازادیا كهسی نهچار نهبوویه كۆچ بكه، وان وەلاتیان ن ب ئاوایهكی ئازادانه گهشت كرنه ژ بۆ وهلاتهكی دن و ئەگەر ئازادیا كەسی نەبا د وی دەمێ دە تو كەس نكاریو گەشت كربا ب شێوەیەكی یاسایی بریێا بالافرخانەیێ و دەرگەهێن سینۆری ویار كر كو ئەنجومەن پشتگریا مافێن یاسایی و دستوری یێ هەر وەلاتیەكی و مرۆڤەكی دكە ژبۆ گەشت و سەفرێ .
د داویا داخویانیا خوە دە ئەنجومەنا ئاساییشا هەریما كوردستانی دا خویاكرن كو گو ئەو بەهان و تۆمەتێن كو ئاراستەیی هەرێما كوردستانی هاتیە كرن ژبۆ بدەستخستنا مافێ پەنابەریێ ژ راستیێ دورن و ژ رووی مرۆڤی ڤە ئەنجومەنا اساییشا هەریما كوردستانی داخوازا گوهدانەك زێدە ب وان كۆچبەرێن كو لسەر سینۆرێ بیلا روسیا و پۆلەندایێ ئاسێ مانە وەرە كرن و ئەو وەلاتی نەبنە قربانیا پرسگریك و كێشەیێن ناڤدەولتی و تو كەس بازرگانیێ ب ڤێ مژاری نەكە .
467