داوین پێشڤەچوونێن میدانی ، و لڤ وتەڤەگەرا لەشكەری لرۆژئاڤایێ كوردستانێ
ارك نيوز .. هەڤدەمی گوفخوارنێن توركیێ ژ ئەنجامدانا ئۆپەراسیۆنەكە لەشكەری ل رۆژئاڤایێ كوردستانێ ، لڤ وتەڤگەرا لەشكەری ژ تەڤایا ئالیان ڤە زێدە بوویە بتایبەتی ل دەڤەرێن هەڤسینۆرێ ب توركیێ رە .
ژێدەرەك خوەجهی ژ دەڤەرێ راگهاند كو دەما كو توركیی گەفا ئەنجامدانا ئۆپەراسیۆنەكە لەشكەری نوو لسوریێ و رۆژئاڤایێ كوردستانێ خواریە و تا رۆژا ئیرۆ توركیێ لڤ و تەڤگەرێ دكە وهێزێن زێدە رێدكە ناڤچەیێن دبن كۆنترۆلا خوە دە بتایبەتی هەردوو باژارێن كوردی سەرێ كانیێ و گری سپی .
لگۆری هەمان ژێدەرێ ئەشكەرە كریە كو دۆه هێزێن توركی كاروانەكە لەشكەری دەرباسی باژاری بابێ لگوندەواری حەلەبێ كر كو ئەو كاروانا توركی ژ چەكێن گران و تانك و زەریپۆش وئۆتۆمبیلێن لەشكەری پێك دهات ئەوژی هەڤدەمی گهشتنا هێزەكە زێدە یا توركی و گروپێن چەكدار یێن بسەر حكومەتا سوریا دەمكی ڤە ل همبەر باژاری كۆبانێ یێ رۆژئاڤایێ كوردستانێ .
بەریا چەند رۆژان ژی توركیێ هێزەكە دن د رێیا خالا عباتین لرۆژهەلاتێ گرێ سپی شاندبوو باژارێ گرێ سپی وسەرێ كانیێ كو ئەو هێز ژ ژمارەیك ئالاڤین لەشكەری و و بێهتری دووسەد چەكداران پێك دهات وهەژمارەك زێدە ژ چەكداران ل بەرامبەری باژارێ عین عیسایێ هاتن كۆمكرن ئەوژی وەكە ئامادەكاریێن دەستپێكرنا ئۆپەراسیۆنەكە لەشكەری نوو ژ ئالیێ توركیێ ڤە .
هەروەها ژ ئالیێ خوەڤە هێزێن ئیرانی هەبوونا خوە ل ناڤچەیێن دبن كۆنترۆلا رێژیمێ دە بهێز دكە بتایبەتی لباژارێ قامشلۆ كو بەریا حەفتیەكێ پاسدارێن ئیرانی هێزەكە زێدە رێكر باژارێ قامشلۆ كو ئەو هێزا ئیرانی ژ چل مێلیس و شەش راهینەرێن لەشكەری یێن بسەر مێلیسێن پاسدارین ئیرانێ ڤە پێك دهات ژ بالەفرخانەیا دێرا زۆرێ گهشت بالەفرخانەیا قامشلۆ و ل ناڤچەیێن دبن ككۆنترۆلا ریژیمێ دە بتایبەتی ل تاخا زنود ، دەڤەرا پاش هێلێ و مساكن الدوبات لنێزی بالەفرخانەیێ و جادەیا الپانۆراما بجه بوون ئەوژی لگۆری تۆرا چاڤێ فەراتێ .
لگۆری هەمان تۆرێ دایە زانین كو ل باژارێ قامشلۆ چار بارەگەهێن لەشكەری یێن مێلیسێن بسەر ئیرانێ ڤە هەنە و نێزی سەد و نۆت چەكدار و بیست بەرپرسێن ئیرانی لێ هەنە سەرباری هەبوونا خالەكە پزیشكی ئیرانی .
ل ئالیەكی دنژی روسیا لەڤ وتەڤگەرێ ل دەڤەرێ دكە و ب رازیبوونا ئەمەریكا بالەفر و چەكێن گران رێدكە باژارێ قامشلۆ یێ رۆژئاڤایێ كوردستانێ ، وبۆ یەكەم جار مانۆرێن لەشكەری یین هەڤبەش ناڤبەرا هێزێن روسی و ریژیما ئەسەد دە ل دەڤەرێ هاتە ئەنجامدان كو ئەو مانۆرێن لەشكەری هێزێن بەژایی و ئەسمانی لخوە دگرت .
ئەمەریكا و هەڤپەیمانیا ناڤدەولتی ژی د دەما داویێ دە شاندنا كاروانێن خوە یێن لەشكەری بۆ رۆژئاڤایێ كوردستانی زێدە كریە وئالاڤێن لەشكەری و لۆجستیك یێن زێدە رێدكە بارەگەهێن خوە لگوندەوارێ حەسەكێ كو تا نها د شاندنا ڤان كاروانان دە بەردەاومە .
ژ ئالیێ خوەڤە ژی رێژیما سوریێ و قسدێ ئەوژی لەڤ وتەڤگەرا خوە یا لەشكەری زێدە كرنە و هەبوونا خوە ل دەڤەرێن سینۆری ب توركیێ رە بهێز دكە و ئالاڤ و چەكداران لسەر سینۆر كۆم دكە بتایبەتی ل رۆژهەلاتی عین عیسایی ل بەرمبەر گروپێن چەكدار .
330
