رێكەفتنەك داویێ دەربارێ چارەنڤیسا ناڤچەیێن كوردی ناڤبەرا قسد و رێژیمی تێ ئەنجامدان

ارك نیوز .. پشتی گەفخوارنێن توركیێ ژ ئەنجامدانا ئۆپەراسیۆنێ لسوریێ ، رۆژانە و پێشڤەچوونێن نوو رووددن و داخوانی و هەلۆیستێن جودا جودا دەردكەڤن هۆلێ .

ژێدەرك نیزیك ژ قسدێ ژ باس نیوز رە راگهاندیە كو نها دانوستاندن ناڤبەرا بەرپرسیارێن پەیەدێ و ریژیما ئەسەد دە دبن فشارێن پەكەكێ و ب سەرپرشتیا روسیا تێنە كرن ئەوژی داكو هەردوو ئالی بگهێژن ریكەفتنەكە داویێ دەربارێ چارەنیڤیسیا دەڤەرێن كوردی لرۆژئاڤایێ كوردستانێ یێن دبن كۆنترۆلا پەیەدێ وقسدێ دە .

لگۆری هەمان ژێدەران دانە خویاكرن كو هێزێن سوریا دیمقراتیك قسدێ راستی فشاران مەزن ژ ئالیی پەكەكێ ڤە تێ ئەوژی ژبۆ گهشتن ب رێكەفتەكێ لگەل رێژیما ئەسەد د زوترین دەم دە بەریا ئەنجامدانا توركیێ ژ ئۆپەراسیۆنا خوە یا لەشكەری لسوریێ و رۆژئاڤایێ كوردستانێ وگۆت كو پەكەكێ هەولا وێ یەكێ دە و فشارێ ل قسدێ دكە ژبۆ رادەستكرنا ناڤچەیێن كوردی یێن مایی بۆ رێژیما ئەسەد .

هەمان ژێدەرێ ئاماژە ب وێ چەندێ كر وگۆت كو روسیا ب هەماهەنگی ل گەل توركیێ فشارەكە زێدە ل قسدێ دكن داكو تنازلاتێن مەزن ژ رێژیمی رە بكن ئەوژی ل هەمبەر بدەستخستنا هن بەرژەوەندیان ژبۆ مانا رێڤەبەریا خوە ل دەڤەرێ .

هەمان ژێدەرا نێزیك ژ قسدێ ئەشكەرە كر كو د ڤێ دەمێ دە و نها دانوستاندنێن جدی لسەر تەڤایا ئاستێن سیاسی لەشكەری ئەولەهی ، چاند و ئابووری ب سەرپرشتیا روسیا ورازیبوونا ئەمەریكا ناڤبەرا قسدێ و بەرپرسیارێن ریژیمێ تێنە ئەنجامدان وتەكەز كر كو قسدێ وێ نەچار ببە كو تنازلاتان ژ رێژیمێ رە بكە بسەدەما فشارێن پەكەكێ ژ ئالیەكی و فشارین روسیا و توركیێ و ئەمەریكا ژ ئالیەكی دنڤە .

ژێدەری بال كشاند سەر وی یەكێ كو ئەمەریكا كار لسەر وێ یەكێ دكە كو دۆسەیا شەرێ رێخستنا داعشێ و رۆژهەلاتێ چەمێ فەراتێ رادەستی روسیا بكە و چارەسەریەكێ ژ دۆسەیا قسدێ و كوردان رە ببینە ئەوژی دریێا رێكەفتنەكێ ب رێژیمی رە وسەربار كر كو ئەمەریكا ناخوازە ب ئەشكەرە دیار بكە ژ رایا گشتی یا جیهانێ رە كو پشت ل كوردان كر لەوما ب ڤی كاری رادبە و دخوازە رێكەفتنەك ناڤبەرا قسد و رێژیمێ دە چێببە .

لگۆری هەمان ژێدەرا ئاگەهدار دایە خویاكرن كو ئەگەر رێكەفتن هاتە ئەنجامدان ناڤبەرا هەردوو ئالیان دە د وێ دەمێ دە قسدێ و اساییشا پەیەدێ وی ببنە بەشەك ژ چەكدارێن رێژیما ئەسەد رە ل رۆژهەلاتێ چەمێ فەراتێ ، وسەربار كر كو نها ئەو دانوستاندن بەردەوامن و د دەمەكە نێزیك دە ، هەردوو ئالی قسدێ و رێژیم و ڵی لهەڤ بكن و بگهیژن رێكەفتنەكە دەستپیكی دەرباری چارەنڤیسا قسدێ و رێڤەبەریا پەیەدێ و سامان دەڤەری بگشتی .

ژ ئالیێ خوەڤە چاڤدێر و شرۆڤەكارێن سیاسی دبێژن بەلاڤكرنا پەیەدێ ژ نووچەیا كو ئەو راستی فشاران تێن ژ هەر ئالیەكی ڤە توو راستا وێ نینە وبتەنی پەیەدێ ڤان گۆتگۆتان دەردكە وەكە بەهانەیەكێ ژبۆ رادەستكرنا ناڤچەیێن كوردی ژ ریژیمێ رە كو بەریا نها وبتایبەتی ژ دەستپێكا شۆرشا سوریێ رێكەفتن ناڤبەرا وان هاتیە كرن كو رێژیم ناڤچەیێ رادەستی پەیەدێ بكە وپشترە چارەكە دن پەیەدێ وان ناڤچەیان .
ڤەگەرینە بن كۆنترۆلا رێژیمێ دە ، و نها دەم هاتیە كو رێكەفتن جیبجی ببە .

گرێدایی پەیوەندیێن پەكەكێ و پەیەدی ب رێژیما ئەسەد رە پێش چەند رۆژان ئالدار خه‌لیل بەرپرسێ پەیەدێ داخوازا دانووستاندنێن راسته‌راست ئێن ل گه‌ل ره‌ژیما سووریێ كربوو و گۆتبوو كو پەیەدێ ئامادەیە كو دانوستاندنێن راستەراست لگەل رێژیما ئەسەد بكە ، ژ ئالیێ خوەڤە ژی هەڤسەرۆكێ كەجەكێ جمیل بایك بەحسا پەیوەندنیێن ناڤبەرا پەكەكێ و رێژیما ئەسەد كربوو وگۆتبوو كو پەیوەندیێن پەكەكێ وریژیما سوریێ پەیوەندیێن دیرۆكی نە و پەكەكێ توو دەمەكێ پەیوەندیێن خوە یین لگەل رێژیما سوریێ قووت نەكریە و نەژی قووت دكە .

639