ل رۆمایێ ، بایدن و ئەردۆغان هەڤدیتنەك ئەنجام دان
ارك نيوز ... ل رۆمایی سەرۆكێ ئەمەریكا ، و سەرۆك كۆمارێ توركیێ هەڤدیتنەك ئەنجامدان و تێدە ژمارەیەك مژار و پرس گۆتوبێژكرن .
سەرۆكاتیا توركیێ د داخویانیێ دە راگهاند كو ئیرۆ یەكشەمێ و د چارچۆڤەیا لۆتكەیا گروپا بیستێ ل رۆمایێ ، جۆ بایدن سەرۆكێ ئەمەریكا و رەجەب تەیب ئەردۆغان سەرۆك كۆمارێ توركیێ جڤیان و د جڤینێ دە هەردوو سەرۆكان پەیوەندیێن ناڤبەرا هەردوو وەلاتان و پرسێن هەرێمی گۆتوێژكرن .
سەرۆكانیێ توركیێ ئەشكەرە كر كو بایدن و ئەردۆغان تەكەزی لسەر بهێزكرن و پێشخستنا پەیوەندیان ناڤبەرا وەلاتێ توركیێ و ئەمەریكا و گرنگیا هەڤپەیمانیێ د چارچۆڤەیا ناتۆیێ دە كرن .
ژ ئالیێ خوەڤە ژی كۆشكا سپی ئەشكەرەكر كو د هەمان هەڤدیتنێ دە سەرۆكێ ئەمەریكایێ مەترسیا خوە ژ كرینا توركیێ ژ سیستەمێ مووشەكێن روسی اس چارسەد رە نیشان دا ، هەروەها هەردوو سەرۆك پرۆسەیا سیاسی لسوریێ ژی گۆتوبێژكرن ، سەرباری گەنگەشەكرنا ژماریەك پرسێن دن مینا افغانستان ، لیبیایێ .
367
