كۆرۆنا ل رۆژئاڤایێ كوردستانێ و سوریێ

ارك نيوز .. ل تەڤایا ناڤچەیێن سوریێ رۆژانە حالەتێن توشبوون و مرنێ تێنە تۆماركرن ، لگۆری داوین ئامارێن هاتنە بەلاڤكرن كو د هەیاما بیست وچار سەعەتێن بووری دە بێهتری هەزار كەسێن دن توشی كۆرۆنایێ بوونە كو بڤێ یەكێ هەژمارا كشتی یا پێكەتیێن كۆرۆنا لسوریێ بگشتی دگهێژە زێدەتری 174 هەزار كەسی زێدەتری 5 هەزار كەس ژی مرنە

دەربارێ داوین رەوشا كۆرۆنا ل ناڤچەیێن كوردی رۆژانە و حالەتێن پێكەتنێ بكۆرۆنا تینە تۆماركرن هەری داوی پێكەتنا 261 كەسێن دن توشی كۆرۆنایێ بوونە .

دەستەیا تەندروستیێ یا بسەر رێڤەبەریا پەیەدێ د داخویانیەكێ دە راگهاند كو د بیست وچار سەعەتێن بووری دە لسەرانسەری رۆژئاڤایێ كوردستانێ 261 كۆرۆنایێ بوونە ، 17 كەس مرنە و 13 كەس ژی باشبوونە .

لگۆری هەمان دەستەیێ ب تۆماركرنا حالەتێن نوو یێن توشبوونی بكۆرۆنا هەژمارا گشتی یا پێكەتیێن كۆرۆنا لسەرانسەری رۆژئاڤایێ كوردستانێ گهشتیە 35404 ژ وێ هەژمارێ 2439 كەس باش بوونە 1341 كەس مرنە.

دەربارێ ئامارێن كۆرۆنا ل ناڤچەیێن دبن دەستێ ریژیما ئەسەد دە ، هەژمارا گشتی یا توشبوویان چل و سێ هەزار كەس دەرباس كریە.

وەزارەتا تەندروستیێ یا ریژیما ئەسەد د داخویانیەكێ دە راگهاند كو د هەیاما بیست وچار دەمژمێرێن بوری دە 260 كەسێن دن ب كۆرۆنایێ كەتنە ،7 كەس مرنە و 89 كەس ژی باش بوونە .

لگۆری داخویانیا وەزارەتا تەندروستیا ریژیمێ كو بڤی ئاوایی هەژمارا گشتی یا پێكەتیێن كۆرۆنا ل دەڤەرێن ژێر كۆنترۆلا وێ دگهێژە 43,146 ژ وێ هەژمارێ 2560 مرنە 26,288 ژی باش بوونە .

و دەربارێ ئامارێن كۆرۆنایێ و وداوین پێشهاتەیێن وێ ل دەڤەرێن ژێر كۆنترۆلا ئۆپۆزسیۆنا سوریێ ژی پرۆگراما هشیاری و بەرسڤدانا نەخوەشیان تو ئامارێن نوو راگهاندیە بڤێ یەكێ هەژمارا گشتی یا پێكەتیێن كۆرۆنا ل دەڤەرێن دبن كۆنترۆلا ئۆپۆزسیۆنێ وەكە خوە مایە ئەوژی 87,684 كەسن ، ژ وێ هەژمارێ 50,419 كەس باشبوونە ، و 1798كەس ژی مرنە .

192