بەردەوامیا خرابوونا رەوشا خزمەتگوزاریێ ل رۆژئاڤایێ كوردستانێ
ارك نيوز .. ل تەڤایا ناڤچەیێن كوردی لرۆژئاڤایێ كوردستانێ هینژی كریز بەردەوامن و خەلك ژبەر بەردەوامیا كریزان د رەوشەكە پر خراب دە ژیانێ دكن و دنالن ، و چالاكڤانێن كورد ژی دبێژن ئاستا بێزاری و نەرزایبۆنا خەلكێن لسەر خرابوونا رەوشا خزمەتگوزاریێ بگشتی بەرزبوویە .
چالاكڤانێن كورد لرۆژئاڤایێ كوردستانێ دانە خویاكرن كو تەڤایا ناڤچەیێن كوردی یێن دبن كۆنترۆلا رێڤەبەریا پەیەدێ دە راستی چەندین كریز هاتیە هەری داوی گرانبوونا نرخێ نان و شەكرە سەرباری بەردەوامیا كریزا ئاڤ و ئلكتریكی و غازی و سووتەمەنیێ ل هەنان ناڤچەیان .
وەكە چالاكڤانان دانە خویاكرن كو نها جارەكە دن كریزا نان بتایبەتی لباژارێ حەسەكێ دەركەتیە وهۆلێ بتایبەت بشتی كو نرخێ نانێ سیاحی گرانبوو ، چالاكڤانان سەرباركرن كو پشتی نرخێ نانی سیاحی ل حەسەكی بوویە ب هەزار و دووسەد لیرەیی ، نها داخواز بێهتر لسەر نانخانەیێن نشتیمانی چیبوویە ژبەر كو نرخێ وی ئەرزانترە و بتەنی ب سیسەد لیرەیێن سوری یە لێ گیشە ئەوە كو پشتی كو خەلك بەرێ خوە دان نانخانەیێن نشتیمانی نها بازرگانی پێ تی كرن وئیدی نەما تێ پەیداكرن بتەنی ل بازارا حر پەیدادبە ئەوژی ب نرخێ هەزار لیرەیێ سوری .
هەروەها گوتن ژی كو ژ بلی گرانبوونا نان نها كریزا شەكر ژی هاتیە هۆلێ كو نەرخێ یەك كیلۆ شەكر ل باژارێ حەسەكێ ژ نەهسەد لێرەی بوویە سێ هەزار لێرەیا سووری كو نەها بازرگانێن پەیەدێ كۆنترۆلێ ب كرین و فرۆتنا تەڤایا پێدڤیێن رۆژانە ل بازارێن رۆژئاڤایێ كوردستانێ دكن.
وەكە چالاكڤانان ئەشكەرە كرنە كو ژبەر دەركەتنا كریزان مینا ئاڤ و ئلكتریك و غاز ، سووتەمەنی ، شەكر ونان و خرابوونا خزمەتگوزاریێ ، و نەگوهدانا بەرپرسیارێن پەیەدێ ژ خرابوونا رەوشێ رە دەرباری دەردەسەریا وەلاتیان نها ئاستا بیزاری ونەرازیبوونی لرۆژئاڤایێ كوردستانی بەرز بوویە و بەردەوام خەلك گلی و گازندان دكن لێ ئەو گەلی و گازن بێ ئەنجامن ژبەر كو ئالیێن بەرپرس لرۆژئاڤایێ كوردستانی تو هەولەكێ ژبۆ دیتنا چارەسەریەكی ژڤان كریزان رە ناكە .
چالاكڤانان سەربار كرن كو ژبەر خرابوونا رەوشێ و نەدابینكرنا پێداویستیێن ژیانێ یێن سەرەكە ب سەدان جوانێن كورد نەچار دبن كو ژ رۆژئاڤایێ كوردستانی دەركەڤن و كۆچبەر ببن كو ژبەر خرابوونا رەوشێ ب سەدان جوان تا نها كۆچبەر بوونە
ژ دەما كو رێڤەبەریا پەیەدێ ناڤچەیێن كۆردی برێڤە دبە و تا نها كریز بسەر كریزێ دە تێ بێ كو توو هەولەك ژبۆ دیتنا جارەسەریەكی ژڤان كریزان رە وەرە كرن كو بسەدەما خرابوونا رەوشا خزمەتگوزاریێ بگشتی و بەردەوامیا دەركەتنا ڤان كریزان خەلك د خرابترین رەوش دە ژیانێ دكن و راستی گەلەك زەحمەتیان تێن .
322
