دربێسیێ .. جارەكە دن ئۆفیسا پەدەكەسێ ژ ئالیێ جوانێن شۆرشگەر ڤە راستی ئێریشەكێ هات

ارك نیوز .. لرۆژئاڤایی كوردستانێ جوانێن شۆرشگەر یین بسەر پەكەكێ ڤە د ئێریشكرنا ئۆفیسێن پارتیا دیمقراتا كوردستان سوریا و ئەنجومەنا نشتیمانیا كورد لسوریێ لناڤچەیێن كوردی بەردەوامن كو د هەیاما شەڤ ورۆژەكێ دە جوانێن شۆرشگەر یێن بسەر پەكەكێ ڤە دوو جاران ئێریش برن سەر ئۆفیسا پارتیا دیمقراتا كوردستان سوریا لباژاری دربیسیێ .

ژێدەرك تایبەت ژ ئاركێ رە راگهاند كو جارەكە دن جوانێن شۆرشگەر یین بسەر پەكەكی ڤە ئێریشی ئۆفیسا پارتیا دیمقراتا كوردستان سوریا لباژارێ دربێسیێ یێ رۆژئاڤایێ كوردستانی كرن و ئالا كۆدستانێ و لۆگا پەدەكەسێ شەوتاندن كو بەریا وێ بشەڤەكێ جوانێن شۆرشەرگەر یێن بسەر پەكەكێ ڤە بریێا بومبەیێن دەستی ئێریشی هەر یەك ژ ئۆفیسا پارتیا دیمقراتا كوردستان سوریا و ئۆفیسا ئەنەكەسی ل دربیسیێ كربوون كو د ئەنجامێ دە تەڤایا كەلوپەلێن دناڤا هەردوو ئۆفیسان دە هاتبوون شەوتاندن وتێكبرن

دڤێ دەربارێ ولسەر بەردەوامیا ئێریشان لسەر ئۆفیسین پەدەكەسێ و ئەنەكەسێ ژ ئالیی جوانێن شۆرشگەر ڤە بتایبەتی ئێریشا لسەر ئۆفیسا ئەنەكەسێ و پەدەكەسێ یا ڤێ داویێ لباژارێ دربێسیێ

ئه‌نجومه‌نا نیشتمانی یا كوردی ل سووریێ، د داخویانیه‌كێ ده‌ كریارێن په‌یه‌دێ شه‌رمه‌زار كر وته‌كه‌ز كر ئه‌ڤ كریار تو جاری نابن رێگر ژ خه‌باتا ئه‌نه‌كه‌سێ وبه‌ره‌ڤانیا وێ دبه‌ر مافێ نه‌ته‌وی یێ گه‌لێ كورد ده‌.

سلێمان ئۆسۆ ئه‌ندامێ ده‌سته‌یا سه‌رۆكا ئە‌نكسێ ل هه‌ژمارا خوه‌ یا تۆرا جڤاكی “فێسبووك به‌لاڤ كربوو وهوورگولیێن ئێریشا لسەر ئۆفیسیا ئەنەكەسێ دابوو دیار كرن

ئوسۆ گۆت ژی: “ باژارێ دربێسیێ وێ ب پارتی و عەشیره‌یێن خوه‌ ره‌ كار و خەبات و به‌رخوه‌دانا خوه‌ بدۆمینه‌ و ژ ڤان كریارێن ته‌رۆریستی یێن ترسۆنه‌ك ناترسه‌.

ژ ئالیێ خوەڤە ژی محمد سعید وادی ئەندامێ كۆمیتا ناڤەندی یا پارتیا دیمقراتا كوردستان سوریا گۆت كو گروپەكە سەر ب جوانێ شۆرەشگەر ڤە ئێریشی ئۆفیسا پەدەكەسێ ل باژارێ دربێسیی كربوون و د ئەنجامێ زیانێن مادی هاتن روودان و گۆت ب ڤێ ڤان كریارێن خوە سیاسەتا خوە یا ئیدیۆلۆجكری ددنە خویاكرن مخابن ئەڤە سیاسەتا پەیەدێ لرۆژئاڤایێ كوردستانێ یە .

هەروەها ئەنداما كۆمیتا ناڤەندی یا پەدەكەسێ هیام محمد ژی لسەر رووپەلا خوە یا تۆرا جڤاكیا فێسبووكێ بەلاڤ كر وگۆت ئەنجامدانا كریارێن تەرۆریستی لرۆژئاڤایی كوردستانێ بوویە بەشەك ژ كریارێن جوانێن شۆرشگەر یێن بسەر پەكەكێ ڤە یێن رۆژانە یە

ل رێكەفتا 24ێ ته‌باخا بۆری ئوفیسا پارتیا ده‌مقراتا كوردستان سوریا ل باژاررێ عاموده‌ێ شه‌تاندن وهه‌مو كه‌لو په‌لین وێ شكاندن.. به‌ردوام ئوفیسین ئه‌نجومانا نشتیمای كوردی وپارتین ووێ ژئالیێ په‌یه‌دێ وریخستنین وی ڤه‌ ل روژئاڤایێ كوردستانێ تینه‌ ئریشكرن وشه‌وتاندن وكه‌لو په‌ل وئامیرن تیده‌ تینه‌ شه‌وتاندن وده‌سته‌سه‌ركرن.

.

278