داوین ئامار وپێشهاتەیێن كۆرۆنا ل سوریێ بگشتی
ارك نيوز .. ئەڤە دەمەكە و ئامارێن توشبوونێ بڤیروسا كۆرۆنا لسەرانسەری سوریێ جارەكە دن بەر ب زێدەبوونێ ڤە دچە و رۆژانە حالەتێن توشبون و مرنێ تێنە تۆماركرن ، لگۆری داوین ئامارێن هاتنە بەلاڤكرن لسەرانسەری سوریێ د بیست وچار دەمژمێرین بووری دە نێزی 1500كەسێن دن توشی كۆرۆنایێ بوونە.
دەربارێ داوین رەوشا كۆرۆنا ل ناڤچەیێن كوردی رۆژانە و حالەتێن توشبوونێ تینەتۆماركرن هەری داوی پێكەتنا 160 كەسین نوو بڤیروسا كۆرۆنا .
دەستەیا تەندروستیێ یا بسەر رێڤەبەریا پەیەدێ د داخویانیەكێ دە راگهاند كو د بیست وچار سەعەتێن بووری دە لسەرانسەری رۆژئاڤایێ كوردستانێ 160 كەس توشی كۆرۆنایێ بوونە و2 سێ كەس ژی باشبوونە.
لگۆری هەمان دەستەیێ ب تۆماركرنا حالەتێن نوو یێن توشبوونی بكۆرۆنا هەژمارا گشتی یا پێكەتیێن كۆرۆنا لسەرانسەری رۆژئاڤایێ كوردستانێ گهشتیە 20649 ژ وێ هەژمارێ 1958 كەس باش بوونە 788 كەس ژی مرنە .
دەربارێ ئامارێن كۆرۆنا ل ناڤچەیێن دبن دەستێ ریژیما ئەسەد دە ، هەژمارا گشتی یا توشبوویان ‘گهشتیە نێزی بیست و هەیشت هەزار كەس .
وەزارەتا تەندروستیێ یا ریژیما ئەسەد د داخویانیەكێ دە راگهاند كو د هەیاما بیست وچار دەمژمێرێن بوری دە 136 كەسێن دن ب كۆرۆنایێ كەتنە ، 6 كەس مرنە و20 كەس ژی باشبوونە .
لگۆری داخویانیا وەزارەتا تەندروستیا ریژیمێ كو بڤی ئاوایی هەژمارا گشتی یا پێكەتیێن كۆرۆنا ل دەڤەرێن ژێر كۆنترۆلا وێ دگهێژە 27915 ، ژ وێ هەژمارێ 22471 بتەمامی باش بوونە و 2013 كەس ژی جانێ خوە ژ دەست دانە .
و دەربارێ ئامارێن كۆرۆنایێ و ل دەڤەرێن ژێر كۆنترۆلا ئۆپۆزسیۆنا سوریێ ژی پرۆگراما هشیاری و بەرسڤدانا نەخوەشیان راگهاند د هەیاما بیست وچار دەمژمێرێن بووری دە 1178 كەسێن نوو توشی كۆرۆنا بوونە.
لگۆری هەمان پرۆگرامێ حەتا نها هەژمارا گشتی یا پێكەیان بڤیروسا كۆرۆنایێ ل دەڤەرێن دبن كۆنترۆلا ئۆپۆزسیۆنێ گهشتیە 35430 كەسان ، ژ وێ ژمارەیێ 24,321 كەس باش بوونە و 751 كەس ژی جانێ خوە ژ دەست دانە .
576
