داوین پێشهاتەیێن زرگان و تل تەمر
ارك نیوز .. ئەڤە بێهتری دەه رۆژان و رەوشا باژارێ زرگان و تل تەمرێ لرۆژئاڤایێ كوردستانێ ئالۆز بوویە و ژ ئالیێ گروپێن چەكدار یێن بسەر حكومەتا سوریا دەمكی ڤە ب تۆپان تێ ئارمانجكرن ، و ژ ئالیەكی دنڤە ژی شەروپەڤچوون ناڤبەرا قسدێ و هەمان گروپان دە دقەومە كو د ئەنجامێ دە بسەدان مالبان دەربەدەربوونە.
ژێدەرێن خوەجهی راگهاندن كو گروپێن چەكدار یین بسەر حكومەتا سوریا دەمكی ب تۆپان د دەمژمێرێن بووری دە هەر یەك ژ گوندێن كربیت ، تل تەویل ، دشیشە كو بتەنێ شەش كیلۆ مترەیان دكەڤە رۆژئاڤایێ تل تەمرێ تۆپبارانكرن بێ كو تا ها زیانێن مادی و جانی وەرنە زانین .
هەمان ژێدەران سەرباركرن كو ژبلی تۆپبارانكرنێ ، شەروپەڤچوون ژی ناڤبەرا قسدێ و گروپێن چەكدار دە ل هەمان دەڤەرێ تێنە روودان كو د ئەنجاما وان شەروپەڤچوونان دە زیانێن مادی مەزن هاتنە روودان كو ب دەهان مالێن وەلاتیێن سڤیل هاتنە رووخاندن .
دەربارێ بەردەوامیا پێلا دەربەدەریێ ل هەردوو باژارێن زرگان و تل تەمرێ چالاكڤانێن سڤیل دانە خویاكرن كو ژبەر بەردەوامیا شەروپەچڤچوونان و تۆپبارانكرنا گروپێن چەەكدار ژ باژارێ زرگان و گوندەوارێ تل تەمرێ خەلكێن دەڤەرێ مالوملكێن خوە بجه دهێلن و دەربەدەری ناڤچەیێن ئەولەه دبن كو تا نها بسەدان مالبات دەربەدەربوونە و مالێن خوە بجه هشتنە .
هەمان چالاكڤانان سەربار كرن وگۆتن كو ژدەما كو ئالۆزی دەستپێكریە ورەوش تێكچوویە و تا رۆژا ئیرۆ هەژمارا مالباتێن كو دەربەدەربوونە گهشتیە نێزی شەسەد مالباتی ، و پرانیا وان دەربەدەران بەرێ خوە ددن باژارێن قامشلۆ ، حەسەكێ وجهێن دن یێن ئەولەه كو بەشەك ژ وان دەربەدەران ژی بۆ كامپان هاتنە ڤەگوهەستن و رەوشا پرانیا دەربەدەران پر خرابە .
رۆژ ب رۆژ و رەوشا باژارێ زرگانێ و گوندەواری تل تەمرێ ئالۆزتر دبە و بتونترین شێوە راستی تۆپان ژ ئالیێ گروپین چەكدار یێن بسەر حكومەتا سوریا دەمكی ڤە تێ و ژبەر ڤی ئالۆزیا بەردەوام خەلك رۆژانە دەربەدەر دبن ومالێن خوە بجه دهێلن .
217
