سەكرەتەرێ پەدەكەسێ نامەیەك سەرساغیێ بەلاڤ كر
آرك نيوز... سه‌كره‌تێرێ پارتیا ده‌مۆكراتا كوردستان - سووریا و سه‌رۆكێ ئە‌نجوومه‌نا نشتیمانی یا كوردی ل سووریێ, سعوود مه‌لا, سه‌رساخیا هه‌موو كوردێن سۆڤیه‌تا به‌رێ و جڤاكا كوردێن كاخازستانێ ب كۆچاداویا كوردپه‌روه‌رێ بناڤ ووده‌نگ پرۆفیسور نادر نادرۆڤ كر.
سعود الملا د نامەیا خوە دە وەها گۆت: مه ب خه‌مگینیه‌ك مه‌زن, نووچه‌یا كۆچاداویا زانیار و كوردپه‌روه‌رێ بناڤووده‌نگ پرۆفیسور نادر نادرۆڤ بهیست. پرۆفیسور نادر كۆچا داوین كر, لێ كه‌د, كار و خه‌باتا وی ب شانازی د دیرۆكا كوردی ده هه‌تاهه‌تایێ دێ بمینه, له‌ورا مرنا وی نه ته‌نێ بۆ وه وه‌كی مالبات و خزمێن وی, لێ بەلێ بۆ ته‌ڤایا گه‌لێ كورد و بۆ نه‌ته‌وا كورد ده‌ردان و زیانه‌كه مه‌زن بوو. ب ناڤێ خوه و ناڤێ پارتیا ده‌مۆكراتا كوردستان- سووریا هه‌ڤخه‌میا خوه ل گه‌ل وه یێن رێزدار رادگه‌هینم و سه‌رساخیێ ددم وه و هه‌موو كوردێن سۆڤیه‌تا به‌رێ و جڤاكا كوردێن كاخازستانێ. ژ خوه‌دایێ مه‌زن دخوازن كو جهێ خوه‌دێژێرازی بهوشت به, بلا سه‌رێ وه و ته‌ڤایا گه‌لێ كورد ساخ به.
ش.ع
275
