نوونەرێن ئەنەكەسێ ب شاندەكە بالیۆزخانەیا ئەلمانی رە جڤییان

آرك نيوز... نوونه‌رێن ئە‌نەكەسێ د هه‌ڤپه‌یمانیا نشتیمانی یا ئۆپۆزسیۆنا سووریێ ده‌, جڤینه‌ك ل توركیێ ب شانده‌كه‌ بالیۆزخانه‌یا ئە‌لمانی ره‌ لدار خست.

د جڤینێ ده‌ داوین ره‌وشا سووریێ, ئاسۆیێن چاره‌سه‌ریێ كریزا سووریێ ل گۆری بریارێن ناڤده‌وله‌تی, و ره‌وشا داوی یا ده‌رعایێ و دۆرپێچكرنا وێ گۆتووبێژ كرن.

د جڤینێ ده‌, مژارا ڤه‌گه‌را ده‌ربده‌رێن عە‌فرینێ, و ئاسته‌نگیێن تێنه‌ پێشیا وان هاته‌ گه‌نگه‌شه‌كرن, هه‌روه‌ها ته‌كه‌زی ل سه‌ر پێشكێشكرنا ئالیكاریان ژ مالباتێن ڤه‌دگه‌رن ره‌, كار ل سه‌ر دابینكرنا مه‌رجێن ئارام بۆ ڤه‌گه‌را ده‌ربده‌رێن سه‌رێ كانیێ, و ئە‌فرینێ, و ڤه‌گه‌راندنا مال و مولكێن وان هات كرن.

نوونه‌رێن ئە‌نەكەسێ كو ژ د. عبدالحكیم به‌شار, د. زهیر محمد و عبدالله گدو پێك دهات داخواز ژ شاندا ئە‌لمانی كر كو فشارێ بخن سه‌ر پەیەدێ دە دا كو رێ بده‌ ده‌ربده‌رێن عە‌فرین و سه‌رێ كانیێ ڤه‌گه‌رن وارێن خوه‌ .

ل ئالیه‌كی دن, جڤینێ ئامه‌ژه‌ ب بنپێكرنێن پەیەدێ, و نه‌پابه‌ندبوونا وان ب مه‌رجێن به‌رده‌وامیا دانووستاندنێن كوردی, وه‌كه‌ جوودابوون ژ پەكەكێ, له‌شكه‌ریا نه‌چار, سیسته‌ما خوه‌ندنێ, راوه‌ستاندنا ره‌ڤاندنا چالاكڤان و كوشتنا وان سه‌رباری دیاركرنا چاره‌نڤیسا وان كر.

هه‌روه‌ها داخویانیێن قسدێ و ده‌ستێوه‌ردانا وان د كارووبارێن هوندرین یا هه‌رێما كوردستانێ ده‌ و پشته‌ڤانیا وان ژ پەكەكێ ره‌ ل سه‌ر هاته‌ راوه‌ستاندن.

ل سه‌ر ره‌وشا باژارێ حه‌سه‌كێ, ته‌كه‌زی ل سه‌ر پێویستیا چاره‌سه‌ركرنا راوه‌ستندنا وێستگه‌ها عە‌لووك و دیتنا چاره‌یه‌كێ ژ برینا ئاڤێ ل سه‌ر خه‌لكێ حه‌سه‌كێ رە هات كرن.

ش.ع

445