لباژارێ حەسەكە كەچەك ب گولەیەكە شاهیێ برینداربوو
ارك نيوز .. لباژارێ حەسەكێ یێ رۆژئاڤایێ كوردستانێ ، كەچەك ب گولەیەكە شاهیێ برینداربوو وژبۆ نەخوەشخانەیێ هاتە ڤەگوهەستن .
ژێدەرەك خوەجهی راگهاند دۆه پشتی دیاربوونا ئەنجامێن ئەزمونێن پۆلا نەهێ لسوریێ و ناڤچەیێن كوردی لرۆژئاڤایێ كودستانێ ، خەلكێن باژارێ حەسەكێ وەكە كێفخوەشیێ ب سەركفتنا زارۆكێن خوە د پۆلا نەهێ دە گولەیێن شاهیێ بەردان ، و ئەو گولەیێن بێ سەروبەر بوو سەدەما برینداربوون كەچەكێ لتاخا مرشۆ لباژارێ حەسەكێ .
وەكە هەمان ژێدەرێ دایە خویاكرن كو ئەو كەچا بریندارژبۆ نەخوەشخانەیا عزیزیی هاتە ڤەگوهستن ، و رەوشا وێ یا تەندروستیێ نها جیگیرە .. پێش چەند رۆژان ژی لباژارێ قامشلۆ پشتی دیاربوونا ئەنجامێن ئەزمونێن پۆلا بەكەلۆریا ژنەكە عفرینی كو دوو جانی بوو ب هەمان شێوەیی ب گولەیین شاهیێ ژیانا خوە ژدەست دابوو .
602
