سەرۆك بارزانی پێشوازییا كونسولێ نوو یێ ئەمەریكی كر
آرك نيوز... ئیرۆ رۆژا یهكشهمێ 11ێ تیرمهها 2021ێ ل سهلاحهدین سهرۆك مهسعوود بارزانی پێشوازیا رۆبێرت پالادینۆ كونسولێ نوو یێ ئەمهریكا ل ههولێرێ كر.
د ههڤدیتنێ ده كو رۆبهرت والهر كونسولێ بهرێ یێ ئەمهریكا ل ههولێرێ ئاماده بوو, رهوشا سیاسی یا عراق و ناڤچهیێ و هلبژارتنێن پاشهرۆژا عراقێ و پرۆسهیا سیاسی یا ههرێمێ گوفتووگۆ كرن.
كونسولێ نوو یێ ئەمهریكا تهكهز ل وێ یهكێ كر كو وهلاتێ وان خوازیارێ ههرێما كوردستانهكه بهێز و یهكرێزە و ئەمهریكا ههردهم رێز ژ بۆ ڤین و خوهراگریا گهلێ كوردستانێ ههبوو و راگهاند كو ئەمهریكا ب دلگرانی تهماشا گهفا سیاسی و ئەولههی یا ل بهر عيراقێ دكه.
ههر د جڤینێ ده تهكهز ل سهر پرهنسیپێن پێكڤهژیان, ئازادی و وهكههڤیخوازیێ ژ بۆ ببه بنگهههك ژ بۆ ئارامی و گهشكرنێ كر.
سهرۆك بارزانی سپاسی ئەرك و كهدا كونسولێ بهرێ یێ ئەمهریكا ل ههولێرێ كر و ههمان دهمێ ده ژی هێڤیا سهركهفتنێ ژ بۆ كونسولێ نوو یێ ئامهریكا ل ئەرك و كارێن وی ده خوهست.
ش.ع
649
