پۆلیتبیرۆیا PDKê : پەكەكێ ب مهبهست شهرێ ب تركیه ره دهرباسی ههرێما كوردستانێ كریه
ارك نیوز .. پۆلیتبیرۆیا پارتیا دهمۆكراتا كو كوردستانێ پەدەكێ دهربارێ ئێریشا پككێ ل سهر هێزا پێشمهرگه ده داخویانیهك بهلاڤ كر وتێدە راگهاند ئەوێ پەكەكێ ل ههرێما كوردستانێ دكه, جبجیكرنا ئەجندهیا دەرەكی یه و تهنێ د بهرژهوهندیێن دوژمنێن گهلێ كوردستانێ ده یه.
و گۆت كو پەكەكێ تو جاری رێز ل سهروهریا ههرێما كوردستانێ نهگرتیه و رێز ل حكوومهتا ههرێما كوردستانێ و دهزگههێن وێ ناگره و تو حهسابهكی ژ یاسایان ره نهكریه, بهرووڤاژی وێ ب خراپترین شێوه سوودێ ژ دانبخوهگرتنا حكوومهتا ههرێمێ و دهزگههێن وه دبینه .
پۆلیتبیرۆیا پەدەكێ د هەمان داخویانیا خوە دە راگهاند كو پەكەكێ ب مهبهست شهرێ ب تركیه ره دهرباسی ناڤا ههرێما كوردستانێ كریه و ب پلانهكێ شهر دكه و ناڤچهیێن خوه ژ ئارتێشا تركیه ره دهێله, تا خاكا مه بده داگیركرن و فشاران ل سهر ههرێما كوردستانێ زێده بكه .
داخویانیێ سەربار كر ژی كو دهستدرێژیا دوه یا پەكەكێ ل دژی پێشمهرگه, دهستدرێژاهیا ل سهر تهڤاهیا ئاخ, سهروهری و گهلێ ههرێما كوردستانێ یه, ژ بهر ڤێ یهكێ دڤێ تهڤاهیا هێز و ئالیێن سیاسی یێن ههرێما كوردستانێ ب یهكدهنگی و یهكههلوهستی رووبروویی ڤێ پیلانا مهزن یا كو سهرۆكێن پەكەكێ جبجی دكن ببن، د ههمان دهمێ ده دڤێ حكوومهتا عراقا فهدهرال ژی ب رۆل و ئەركێ خوه رابه.
385
