ئەنەكەسێ بانگ ل پەكەكێ دكە: دەستێوەردانێ د كارووبارێن كوردستانێ دە نەكە
آرك نيوز... ئهمینداریا گشتی یا ئەنجوومهنا نشتیمانی یا كوردی ل سووریێ ب توندی ئێریشێن پەكەكێ ل سهر هێزێن پێشمهرگه شهرمهزار كر و بانگ ل ئالیێن كوردستانی كر كو ههلوێستهكێ یهكبوویی لهەمبەر ڤێ یەكێ بستینن.
د داخویانیا ئەنەكەسێ ده هاتیه:
د رێكهفتا 5ێ حزێرانا 2021ێ, چهكدارێن سهر ب پەكەكێ ڤە گرووپهك ژ هێزێن پێشمهرگه ل چیایێ مهتین یا ناڤچهیا ئامیدی ل پارێزگهها دهۆكێ یا ههرێما كوردستانێ ئارامج كرن, تێ ده 5 پێشمهرگه شههید بوون و ههژمارهك دن ژی بریندار بوون.
داخویانیێ ئانیه زمان: ئەنەكەسێ ب توندی ڤێ ئێریشێ شهرمهزار دكه و بانگ ل پەكەكێ دكه كو رێزێ ل یاساێن ههرێما كوردستانێ بگره و دهستێوەردانێ د كارووبارێن هوندرین یێن ههرێما كوردستانێ ده نهكه, و ئارامی و سهقامگیریا وێ تێك نهده, ههروهها بانگ ل ههموو ئالیێن كوردستانی دكه كو ب بهرپرسیارهتی ل ههمبهر ڤێ یهكێ راوهستن و ب یهكههلوهستی ژ دهستێوەردانا پەكەكێ د كارووبارێن ههرێما كوردستانێ ده بگرن بهر و ڤان كریارێن كو گهفا ئارامی و سهقامگیریا ههرێمێ ددن شهرمهزار بكن.
ئەنەكەسێ بانگ ل حكوومهتا توركیێ و پەكەكێ دكه كو رێزێ ل سهروهری و ئەولهكاریا شێنیێن ههرێما كوردستانێ بگرن و ناكۆكی و شهرێن خوه ژ بۆ ههرێمێ ڤهنگوهێزن.
د داویێ ده, ئەنجوومهنا نشتیمانی یا كوردی ل سووریێ سهرساخیێ ژ سهركردایهتیا ههرێما كوردستانێ و مالبات و كهسووكارێن شههیدان, و دلۆڤانی ژ شههیدان ره خوهست ههروهها هێڤیا ئارامی و تهندروستیا باش ژ بریندار ره خوهست.
ش.ع
418
