سەرحان حەسەن بۆ پەكەكە: ئامەدێ رزگار بكن نەك ئامێدیێ، ژبەر ئامێدی رزگار كریە

آرك نيوز.. سەرحان حەسەن ئەندامێ كۆمیتەیا ناڤەندی یا پارتیا دیموكراتا كوردستان سووریا گۆت كو پەكەكە ژ بۆ بجیكرنا پیلانا قركرنا گەلێ كورد ل هەر چارپارچەیێن كوردستانێ هاتیە دامەزراندن, وپەكەكە ب تەنێ دەستەكە د دەستێ داگیركەرێن كوردستانێ دە.

د لێدوانەكە تایبەت دە بۆ ئاركێ سەرحان حەسەن ئەندامێ كۆمیتەیا ناڤەندی یا پارتیا دیموكراتا كوردستان سووریا راگەهاند كو دەم هاتیە تەڤایا ئالی وهێزێن كوردی ل دژی پەكەكە راوەستن, ژ بەر پەكەكە بوویە مەترسیەكە راستەقینە ل سەر تەڤایا گەلێ كورد , ونە ب تەنێ مەترسیە ل سەر هەرێما كوردستانێ.

هەروها سەركردەیێ كورد گۆت پەكەكە رۆژانە تەكەز دكە كو ب تەنێ ئەو دەستەكە د دەستێ دوژمنان دە ودوژمن ب ریێا پەكەكە شەرێ بزاڤا رزگاریخوازا كورد ب سەرۆكاتیا سەرۆك مەسعوود بارزانی دكە.

هەروەها ئەندامێ كۆمیتەیا ناڤەندی یا پارتیا دیموكراتا كوردستان سوریا تەكەز كر وگۆت ژ دەما پەكەكە هاتی دامەزراندن وهەتا وەكە ئیرۆ یەك بۆست ژ خاكا كوردستانا توركیا رزگار نەكریە, بەلكو بەهانەیان بۆ توركیا دورست دكە تاكو بهتر دەرباسی ناڤا خاكا هەرێما كوردستانێ ببە.

هەروەها سەرحان حەسەن ئانی زمان وگۆت , ئەم ژ پەكەكە دبێژن ئامێدی نە ئامەدە , وچیایێ گارە نە چیایێ جوودی یە, ژ بەر ئامێدی وچیایێ گارە ومەتین وتەڤایا ناڤچەیێن سینووری یێن ژ بەر شەرێ پەكەكە وتوركیا هاتنە ڤالەكرن , خاكا هەرێما كوردستانێ نە .

941