لكامپا واشۆكانێ ژبەر پیسیا ئاڤێ كارەسەتێن مرۆڤی روودان
ارك نیوز .. ل كامپا واشۆكانێ یا تایبەت ب دەربدەرێن باژارێ سەرێ كانیێ رۆژانە ب دەهان رەوشێن ژەحریێ تێنە تۆماركرن.
ژێدەرێن پزیشكی ژ ناڤا كامپا واشۆكانێ راگەهاندن كو رۆژانە بهتر ژ بیست زارۆكان تووشی ژەحریێ دبن, ئەوژی ب سەدەما پیسبوونا ئاڤا ڤەخوارنێ ل كامپێ.
وەكە ژێدەر تەكەز دكن كو ئەو سیتێلێن ئاڤا ڤەخوارنێ ژ دەربدەرێن سەرێ كانیێ رە ژ ژێدەرێن پیس وتژی بەكتیریا ڤەدگوهازن, وهەروەها ژ بەر كو كامپا واشۆكانێ تو رێنمایەكە تەندرۆستی تێدە نایێ بجیكرن رۆژانە حالەتێن تووشبوونێ ب ژەحریێ تێنە تۆماركرن.
وژئالیێ خوەڤ نێشتەجیێن كامپا واشۆكانێ دبێژن كو تانكەر و خەزانێن ئاڤێ یێن د ناڤا كامپێ دە سەرێ وان ڤەكریە , وبهتر وان ژەنگ گرتیە وتژی بەكتیریا بوونە, وتو گوهدانەكە تەندرۆستی ب خزمەتگوزاریێن سەرەكە یێن كامپێ نایێنە دایین.
382
