ل منبج خوەنیشاندانەك نەرازیبوونێ لدژی پەیەدێ هات ئەنجامدان

ارك نيوز .. ئەڤە چەند رۆژن و چەكدارێن پەیەدێ ل ناڤچەێن كوردی یێن دبن كۆنترۆلا وێ دە دەست ب هەلمەتەكە گرتنا جوان و خوەندكارێن كورد ژبۆ لەشكەریا خوە یا نەچاری كریە .

ژیدەرێن خوەجهی راگهاندن كو كو ل چەند ناڤچە وباژارێن كوردی بتایبەتی ل قامشلۆ ، حەسەكێ و منبجێ ئەڤە چەند رۆژن و پەیەدی جوان و خوەنكارین كورد دگرە ژبۆ لەشكەریا خوە یا نەچاری كو تا نها ب دەهان خوەندەكار و جوان گرتنە .

وەكە ژیدەرێن خوەجهی راگهاندنە كو ژبەر بەردەوامیا هەلمەتا گرتنا خوەندەكاروجوانێن كورد ژبۆ لەشكەریا نەچاری ژ ئالیێ چەكدارێن پەیەدێ ڤە ئیرۆ دانێ سبەهێ لباژاری منبجێ مانگرتنەك گشتی ژ ئالیێ خەلكێ باژاریر ڤە هاتە ئەنجامدان كو تەڤایا دوكانێن بازرگانیێ ل منبجێ هاتن گرتن واتە ب رێژەیا نۆت لسەر سەد دووكاندار دووكانێن خوە گرتن و تەڤلی مانگرتنا گشتی بوونە ، و گۆت ئیرۆ پشتی نیڤرۆیێ خوەنیشاندانەك نەرازیبوونێ ژ ئالیی خەلكێن باژاری ڤە برێڤە جۆ و تێدە سلۆگان و دروشمێن نەرازیبوونێ لسەر گرتنا خوەندەكارین كورد هاتن بلند كرن .


وەكە ژیدەرێ ئەشكەرە كریە ئەڤ مانگرتن هات ئەنجامدان پشتی بانگا چالاكڤانان وەكە نەرازیبوونەكێ لسەر هەلمەتا گرتنا خوەندەكارێن كورد ل ناڤچەیێن كوردی ژ ئالیێ پەیەدێ ڤە كو تا نها ب دەهان خوەندەكار وجوان هاتنە گرتن وژبۆ لەشكەریا خوە یا نەچاری برنە .

ژ دەما كو رێژیما ئەسەد ناڤچەیێن كوردی رادەستی پەیەدی كریە و تا رۆژا ئیرۆ ، و چەكدارێن پەیەدێ كریارێن خوە یێن هۆڤانە لدژی ملەتێ كورد ل رۆژئاڤایێ كوردستانی ئەنجام ددە و هینژی بەردەوامە ژ گرتن ، رەڤاندن ، سەپاندنا باجان ، لەشكەركرنا زارۆكێن بچوك ، لەشكەریا نەچاری ، دروستبوونا كریزان ، كو ژبەر بەردەوامیا كریار و فشارێن پەیەدێ وبتایبەتی گرتنا جوانان بۆ لەشكەریا خوە یا نەچاری ب هەزاران وەلاتیێن كورد وبتایبەتی جوان ، نەچار بوون كۆچبەر و دەربەدەر ببن ، ونها جارەكە دن پەیەدێ فشارێ ل وان جوانێن مایی ل رۆژئاڤایێ كوردستانی دكە و وان ژبۆ لەشكەریا خوە یا نەچاری دگرە ، كو د ڤان چەند رۆژێن بووردی دە ب دەهان جوان گرتنە وئەڤ یەك نەرازیبوونەك گشتی لجەم وەلاتیان دروست كریە .

662