مەسروور بارزانی: راپەرینا ئادارا سالا 1991 یەك ژ دەستكەفتێن هەری گرینگ وشكۆدارێن شۆرەشا گولانێ یە
آرك نيوز..مەسروور بارزانی سەرۆكێ حكوومەتا هەرێما كوردستانێ ب هەلكەفتا 45 مین سالرۆژا شۆرەشا گولانێ پەیامەك بەلاڤكر وئەڤەژی دەقا پەیامێ:
ب رێز وپێزانینەكە مەزن یادا شەهیدێ سەركردە ئیدریس بارزانی وتەڤایا شەهیدان وتێكۆشەران وكەسێن بەشداری د شۆرەشا گولانێ دە كرنە ب بیر تینن.
شۆرەشا گولانێ درێژپێدەرا شۆرەشا مەزنا ئێلوونێ بوو , تەما نائۆمیدیێ زەلالكر, وئاسۆیەكە نوو ل پێشیا گەلێ كوردستانێ ڤەكر كو ب خوەراگری وڤینەكە ب هێز بەردەوامی ب خەبات وتێكۆشان خەلكێ كوردستانێ ژ بۆ ب دەستڤەئانینا مافێن رەوا دا.
د سالرۆژا هەلگیرسانا شۆرەشا گولانێ دە تەكەزیێ ل سەر پەرەپێدانێ ب كاركرنا یەكرێزی وتەباییا ناڤا پێكهاتەیێن گەلێ كوردستانێ دكن, كو هەڤخباتی وكارێ پێكڤە وتەباییا ناڤبەرا هێز وئالیێن كوردستانێ بوو سەدەم وبنەما ژ بۆ پێكئانینا بەرەیا كوردستانی وئەنجاما وێ سەركەفتنا راپەرینا ئادارا سالا 1991 بوو كو یەك ژ دەستكەفتێن هەری گرینگ وشكۆدارێن شۆرەشا گولانێ یە.
بەرز وپیرۆز بێت سالرۆژا هەلگیرسانا شۆرەشا گولانێ , دروود ژ بۆ جانێ پاكێ شەهیدێن كوردستانێ .
مەسروور بارزانی
سەرۆكێ حكوومەتا هەرێما كوردستانێ
416