سەرۆك بارزانی: شۆرەشا گولانێ ئەزموونا كۆلنەدان وخوەرێكخستن ورابوونا گەلێ كوردستانێ یە
آرك نيوز..سەرۆك مەسعوود بارزانی ب هەلكەفتا 45 سالرۆژا شۆرەشا گولانێ پەیامەكە بەلاڤكر وتێدە گۆت كو شۆرەشا گولانێ ئەزموونەكە دەولەمەندا كۆلنەدان وخۆەرێكخستن ورابوونا گەلێ كوردستانێ یە, د رەوشا پشتی نسكۆ وكۆچبەریێ , ودبن فشاریێن جۆدا جوادیێن نەیاران دە گەلێ كوردستانێ كاری ب پلانەكە تۆكمە وباوەریەكە ب هێز شۆرەشا گولانێ هەلبگیرسێنە.
هەروەها سەرۆك بارزانی گۆت كو شۆرەشا گولانێ ئەو پەیام بوو بۆ تەڤایا ناحەز ونەیارێن گەلێ كوردستانێ كو تەڤی هەبوونا پیلانان وگەفێ وب هێزبوونا نەیاران وكۆسپێن جودا جودا , گەلێ كوردستانێ ئیرادەیا خەبات ورووبرووبوونا زولم وناحەقیێ هەیە, وخەبات وتێكۆشانا خوە ژبۆ گۆرەپانا راستەقینە كو خاكا پیرۆزا كوردستانێ یە ڤەدگوهازە.
سەرۆك بارزانی گۆت كو شۆرەشا گولانێ هەلگرا پەیام وئامانجێن شۆرەشا ئێلوونێ ودرێژپێدەرا تەڤایا شۆرەشێن پێشتر یێن كوردان بوو , وبۆ تەڤایا نەیاران سەلماند كو ڤینا ئازادیخوازی وشۆرەشگێریا كورد ب تو ئاوایەككی نایێ شكاندن.
سەرۆك بارزانی سەرباركر وگۆت كو شۆرەشا گولانێ رۆژا 26 گولانا سالا 1976 ان ب یەكەم چالاكیا پێشمەرگە ل حاجی ئۆمەران دەستپێكر , وسەید عەبدوالله یەكەم شەهیدێ شۆرەشا گولانێ بوو . ل 45 مین سالرۆژا هەلگیرسانا شۆرەشا گولاندێ دە ب سەربلندی یادا تەڤایا شەهیدێن شۆرەشا گولانێ وشەهیدێن كورد وكوردستانێ ب بیر تینن . وتەكەز دكن كو ئازادی ودەستكەفتێن گەلێ كوردستانێ د سایا خوین وقوربانیدانا شەهیدێن مە ب دەستڤە هاتنە.
د داویا پەیاما خوەدە سەرۆك بارزانی گۆت د ڤێ هەلكەفتا پیرۆز دە پێزانینێن من بۆ خەباتا تەڤایا تێكۆشەر وقارمانان هەیە كو د خەباتا پێشمەرگایەتی , وحزبی , وخەباتا نەهێنیا ناڤا باژاران ول كۆچبەری ودەربدەریێ دە رۆلا وان د شۆرەشا گولانێ دە هەبوو وقوربانی دانە وبوونە جهێ شانازیێ بۆ گەلێ خوە.
502
