چەكداران كوردەكی عەفرینێ سەربست بەردا
آرك نيوز... ل هەرێما عەفرینا رۆژئاڤایێ كوردستانێ پشتی سێ سالان ژ رەڤاندنا جوانەكی كورد ژ ئالیێ گرووپێن چەكدار هاتە سەربست بەردان.
ل گۆر ئاگاهیێن ب دەستێ ئاركێ كەتنە كو وەلاتیێ كورد یێ بناڤێ عصانم مستەفی سەربست هاتە بەردان, كو بەریا بێهتر سێ سالان ڤە هاتبوو رەڤاندن وتو ئاگاهی ل سەر وی تونەبوون.
هەمان ژێدەان نیشان ب وێ یەكێ دان كو وەلاتیێ كورد عصام مستەفی ژ خەلكێ گوندێ قرگولێ یێ عەفرینێ یە و نشتەجیێ تاخا عەفرینا كەڤن.
رێخستنێن ماڤێ مرۆڤان ل عەفرینێ تەكەز دكن كو چارنڤیسا ب سەدان وەلاتیێن كورد د زیندانێن چەكداران دە نەدیارە و پرانییا وان ب تۆمەتێن دوو ژ راستیێ تێنە گرتن ورەڤاندن و ل هەمبەر سەربست بەردانا وان بانگا فدیە یان پەرەیان دكن.
ش.ع
483
