نێچیرڤان بارزانی داخویانییەك بەلاڤ كر
آرك نيوز... نێچیرڤان بارزانی سهرۆكێ ههرێما كوردستانێ داخویانیهك بهلاڤ كر تێ ده سهرخوهشی ل مالباتا ههر سێ پێشمهرگهیێن كو دوه شههید كهتنه كر و هێڤیا تهندروستیەكە باش ژ بۆ برینداران خوهست.
نێچیرڤان بارزانی د نامهیا خوه ده گۆت: شهڤا دهرباسبووی, تهرۆریستێن داعشێ ل ئەنیا رۆژئاڤایێ كهركووكێ ئێریشي سهنگهرێن پێشمهرگه ل نێزیكی باژارۆكا پردێ كر, د ئەنجامێ ده سێ پێشمهرگه شههید بوون.
سهرۆك نێچیرڤان دا زانین: مه چهندین جار هكوومهتا فهدهرالیا عیراقێ و ههڤپهیمانیا ناڤدهولهتی یا دژی داعش ژ مهترسیا بهێزبوونا داعشێ و سوودوهرگرتنا ژ ڤالاهیێن ئەولههی ل ناڤچهیێن ناكۆكدار ئاگاهدار كریه.
نێچیرڤان بارزانی داخواز ژ پارلهمهن و هكوومهتا فهدهرالیا عراقێ و ههڤپهیمانیا ناڤدهولهتیا دژی داعیش كر كو, ل ناڤچهیێن ناكۆكی ل سهر ههیه, بلهز كار ل سهر دروستكرنا هێزا ههڤبهش د ناڤبهرا پێشمهرگه و ئارتێشا عراقێ ده بكن, ژ بهر كو مهترسیهكه گهلهك مهزنە ل سهر ههرێما كوردستان و ههموو عێراقێ و گهفه ل سهر ئاسایشا ههموو ناڤچهیێ و جیهانێ.
د داویا داخویانیا خوه ده نێچیرڤان بارزانی تەكەز كر: ههرێما كوردستانێ ژ بۆ ههر ههڤكاریهك ئامادهیه.
ش.ع
597
