رەوشا كۆرۆنا لرۆژئاڤایێ كوردستانی و سوریێ

رەوشا كۆرۆنا لرۆژئاڤایێ كوردستانی و سوریێ

Apr 18 2021

ارك نيوز ... ژ دەما بەلاڤبوونا نەخوەشیا كۆرۆنایێ لسەرانسەری جیهانی و تا رۆژا ئیرۆ ، رۆژ ب رۆژ و ئامارێن كۆرۆنایێ لسەرانسەری سوریێ بەرب زێدەبوونێ ڤە دچە چێ ل ناڤچەیێن كوردی لرۆژئاڤایێ كوردستانێ بە و چێ ژی ل دەڤەرێن دبن كۆنترۆلا رێژیم و ئۆپۆزسیۆنا سوریێ بە كو حەتا نها هەژمارا گشتی یا پێكەتیێن كۆرۆنایێ لسەرانسەری سوریێ پێنجی وشەش هەزار كەس دەرباس كریە ، و بێهتری دوو هەزار وپێنسەد كەس ژی جانێ خوە ژ دەست دانە .

دەربارێ داوین ئامار وپێشهاتەیێن كورۆنایێ ل رۆژئاڤایێ كوردستانێ رۆژ برۆژ و رەوشا كۆرۆنایێ خرابتر دبە و ڤیروسا كۆرۆنایێ ب ئاوایەكی بەرفرە ل تەڤایا ناڤچەیێن كوردی بەلاڤ دبە ، هەری داوی ژی تۆماركرنا 304 حالەتێن توشبوونێ یێن نوو ب كۆرۆنایێ .

دەستەیا تەندروستیێ یا بسەر رێڤەبەریا پەیەدێ ڤە ئامارێن بیست وچار سەعێن بووری راگهاند كو ل رۆژئاڤایێ كوردستانێ 304 كەسێن دن بكۆرۆنا كەتنە ، 8 كەس جانێ خوە ژ دەست دانە و 6 كەس ژی بتەمامی ژ كۆرۆنا باش بوونە .

هەر لگۆری دەستەیا تەندروستیێ یا بسەر پەیەدێ ئەشكەرە كریە كو ب تۆماركرنا حالەتێن نوو یا توشبوونێ بكۆرۆنایێ هەژمارا گشتی ل رۆژئاڤایێ كوردستانی گهشتیە 13883 كەسان ژ وێ هەژمارێ 1436 كەس باش بوونە و 456 كەس ژی تا نها جانی خوە ژ دەست دانە .

دەربارێ ئامار وپێشهاتەیێن كورۆنایێ ل ناڤچەیێن دبن دەستێ ریژیما ئەسەد دە ژی هەژمارا توشبوویان گهشتیە بیست ویەك هەزار كەسی .

د داخویانیەكێ دە وەزارەتا تەندروستیێ یا ریژیما ئەسەد راگهاند كو د هەیاما بیست وچار دەمژمێرێن بوری دە 148 كەسێن دن ب كۆرۆنایێ كەتنە ، 14 كەسان چانێ خوە ژ دەست دانە ، 127 كەس ژی بتەمامی باشبوونە .

لگۆری داخویانیا وەزارەتا تەندروستیا ریژیمێ كو بڤێ ئاوایی هەژمارا گشتی یا پێكەتیێن كۆرۆنا ل دەڤەرێن ژێر كۆنترۆلا وێ دگهێژە 21004 كەسان ، ژ وێ هەژمارێ 14,721 كەس بتەمامی باش بوونە و 1437 كەس ژی جانێ خوە ژ دەست دانە .

دەربارێ ئامارێن كۆرۆنایێ و داوین پێشهاتەیێن وێ ل دەڤەرێن ژێر كۆنترۆلا ئۆپۆزسیۆنا سوریێ ژی تۆرا هشیاریا پێش وەخت ،( پرۆگراما هشیاری و بەرسڤدانا نەخوەشیان ) د داخویانیەكە خوە دە راگهاند كو د هەیاما بیست وچار سەعیتێن بووری دە 7 كەسێن دن بكۆرۆنا كەتنە ، 10 كەس باش بوونە و پێنج كەس ژی مرنە .

لگۆری داخویانیا پرۆگراما ناڤهاتی كو حەتا نها هەژمارا گشتی یا پێكەیان بڤیروسا كۆرۆنایێ ل دەڤەرێن دبن كۆنترۆلا ئۆپۆزسیۆنێ گهشتیە 21,630 كەسان ، ژ وێ ژمارەیێ 19,670 كەس باش بوونە و 641 كەسان ژی جانێ خوە ژ دەست دانە .


240