د سالا نوو دە 15 كاروانێن هەڤپەیمانیا ناڤدەولتی دەرباسی رۆژئاڤایێ كوردستانێ بوویە
ارك نیوز .. هەڤپەیمانیا ناڤدەولتی یا لدژی داعشێ بسەركردایەتیا ئەمەریكا د رێكرنا كاروانێن خوە یێن لەشكەری دە بۆ ناڤ خاكا رۆژئاڤایێ كوردستانی بەردەوامە ، هەری داوی ژی دەرباسكرنا ب دەهان ئالاڤێن لەشكەری و لۆجستیك .
ژێدەرەكە خوەجهی راگهاند كو پێشەمی كاروانەكە هەڤپەیمانیا ناڤدەولتی یا لدژی داعشێ كو ژ سیه و پێنج ئالاڤێن لەشكەری و لۆجستیك پێك دهات د ریێا دەرگەهێ الولید یێ هەڤسینوری ب هەرێما كوردستانێ رە دەرباسی رۆژئاڤایێ كوردستانێ بوو ، و ل هەردوو باراگەهێن لەشكەری یێن هەڤپەیمانیێ ل ناڤچەیا تل بیدر ، و رمێلان لگوندەوارێ حەسەكی بجه بوون .
وەكە هەمان ژێدەرێ دایە زانین كو بڤێ كارانێ هەژمارا كاروانێن لەشكەری یێن هەڤپیەمانیێ یین كو دەرباسی رۆژئاڤایێ كوردستانێ بوویە د دەسپێكا سالا نوو دە گهشتیە پازدە كاروانێن لەشكەری .
514
