چەكدران ل عەفرینێ 5 وەلاتی سەربست بەردان
آرك نيوز... پشتی سێ سالان ژ ره‌ڤاندن و بنچاڤكرنێ, گرووپێن چه‌كدار ل عە‌فرینا رۆژئاڤایێ كوردستانێ, پێنج وه‌لاتی سه‌ربه‌ست به‌ردان, د ناڤ وان ده, دكتۆره‌ك و وه‌لاتیه‌كی بته‌مه‌ن ژی هه‌یه.
ژێده‌رێن خوه‌جهی دانه زانین كو هه‌ر یه‌ك ژ دكتۆر. ریاد مه‌لا, له‌وەند محمد شێخۆ, ره‌مه‌دان عە‌لی, و عە‌بدۆ جمعە, و عە‌بدولمه‌نان مه‌نلا تاهر, سه‌ربه‌ست هاتن به‌ران.
هه‌مان ژێده‌ران ته‌كه‌ز كرن كو دكتۆر. ریاد مه‌لا كو ژ گوندێ جۆقێ یه, ژ بیست وسێ ئیلوونا دووهەزار وهەژدەهان ده, هاتبوو ره‌ڤاندن,هه‌روها له‌وه‌ند شێخۆ ژ گوندێ دار گرێ یه, ژ به‌ریا دوو سال و نیڤان هاتبوو ره‌ڤاندن.
ره‌مه‌دان عە‌لی كو ژ گوندێ كۆكه‌بێ یێ ناڤچه‌یا جندرێسێ یه, ژ به‌ریا دو سال و نه‌ه مه‌هان هاتبوو ره‌ڤاندن.
هه‌روه‌ها وه‌لاتیێ بته‌مه‌ن یێ ب ناڤێ عە‌بدولمه‌نان مه‌نلا تاهر, كو ئەو ژی ژ گوندێ جۆقێ یه, پشتی سێ سالان ژ ره‌ڤاندنێ هاته به‌ردان.
ژێده‌ران ته‌كه‌ز كرن كو به‌ریا وه‌رن به‌ردان, چه‌كداران دانپێدان ب هه‌بوونا وان د زیندانان ده نه‌كربوو.
ش.ع
203
