يه‌په‌گێ سه‌رساغی ژ كوشتیێن رێژیمێ ل قامشلۆ دخوازه
آرك نيوز .. د چارچوڤه‌یا هه‌فت سالێن بوورێ ده چه‌كدارێن په‌یه‌دێ ب هژماره‌ك كۆمكوژی ده‌رحه‌قێ وه‌لاتییێن كورد یێن لدژی سیاسه‌تا وان ده پێكئانینه وه‌ك كۆمكۆژیا عامودا مالباتا شێخ حه‌نان عه‌فرین برج عه‌بدالۆ عه‌فرین بوویه‌رێن گوندێن به‌ربه‌نێ یێ عه‌فرینێ هه‌روه‌ها ته‌رۆركرنا وه‌لات حسی ل كۆبانێ ومالباتا بدرۆ ل قامشلو وگه‌له‌ك بوویه‌رێن دن وتا نها تو دانپێدان یان لێدوان ده‌ربارێ پێكئانینا په‌یه‌دێ ژ وان كۆمكوژیان ره نه‌هاتیه ده‌ر .
پشتی شه‌ر وپه‌ڤچوونێن قامشلۆ ئیرۆ چه‌كدارێن په‌یه‌گێ د داخویانییه‌كێ ده دلگرانییا خوه ده‌ربارێ شه‌رێ روودایێ ده‌ربراند وب دل خمگینێ به‌حسا بوویه‌رێ كر ود داخویانیێ ده هاتیه كو د 8 ڤێ مه‌هێ ده په‌ڤچوونه‌ك ب دلگرانی ومخابن وخمگینێ بناڤ كر ل باژارێ قامشلۆ روودا تێده هژماره‌ك كه‌س هاتن كوشتن وبریندار بوون و ره‌وشا ته‌ڤلیهه‌ڤیێ ل ناڤه‌ندا باژێر هاته ئافراندن .
د داخویانییا خوه په‌یه‌گێ ته‌كه‌ز كر كو وێ لێكۆلین ده‌ربارێ سه‌ده‌مێن په‌ڤچوونان ده ڤه‌كه هه‌روه‌ها سه‌رساغی ژ كوشتیێن رێژیمێ ره خوه‌ست وبانگ ل هه‌ردوو ئالییان كر كو لهه‌ڤهاتنا نشتیمانی ژ خوه ره بكن بنگه‌ه داكو چاره ژ پرسگرێكرێ كر وه‌ره دایین .
هه‌ر دڤێ ده‌ربارێ ده سه‌ركرده‌یه‌كێ به‌رێ یێ چه‌كدارێن په‌یه‌گێ ل عه‌فرینێ یێ ب ناڤێ رێزان حدو راگهاندبوو كو ئه‌مریكا دخوازه فتنه‌یه‌كێ ناڤبه‌را یه‌په‌گێ و رێژیما ئه‌سه‌د ده دروست بكه وته‌كه‌ز ژ رۆژنامه‌یا الوه‌تن یا سه‌ر ب رێژیمێ ڤه كربوو كو ئه‌مریكا ل پاش شه‌ر وپه‌ڤچوونێن قامشلۆ بوو وتشتێن روودانه تاوانه‌كه ده‌رحه‌قێ وه‌لاتێ سووریێ ده .
په‌ڤچوونێن قامشلو د هه‌شتێ ڤێ مه‌هێ هاتبوو روودان تێده هه‌فت ژ چه‌كدارێن ئه‌ولكاریا ناڤخویی یا سه‌ر ب په‌یه‌دێ ڤه ژیانا خوه ژ ده‌ست دان هه‌روه‌ها 14 ژ رێژیمێ هاتن كوشتن .
ش.ع
ا
489
