عەفرین... ژنێن كورد خوەپێشاندانەك ل دژی چەكداران لدارخست

آرك نيوز... ئيرۆ 4ێ سباتێ 2021ێ ل گونده‌كی هه‌رێما عە‌فرینا رۆژئاڤایێ كوردستانێ, هه‌ژماره‌ك ژن خوه‌پێشاندانه‌ك لدار خست, تێ ده‌ بانگا ده‌رخستنا چه‌كداران كر.

ل گوندێ كاخرێ یێ سه‌ر ب ناڤچه‌یا مابه‌تا یا عە‌فرینێ, ژنێن كورد خوه‌پێشاندانەك‌ ل دژی كریارێن چه‌كداران لدار خست, تێ ده‌ بانگا ده‌رخستنا چه‌كدارێن عە‌مشات و بداویهاتنا دیارده‌یێن چه‌كداری كر.

ل گۆر ژێده‌رێن خوه‌جهی دانه‌ زانین كو شانده‌ك ژ كۆمیتا راوه‌ستاندنا زۆردای و ڤه‌گه‌راننا مافا نكو ب رد المزالم تێ ناسكرن سه‌رده‌نا گوند كربوو, له‌وما ژنێن گوند ده‌و خوه‌پێشاندان ساز كر.

ژ به‌ریا چه‌ند رۆژان ڤه‌, چه‌كدارێن عە‌مشات هه‌ژماره‌ك وه‌لاتیێن كورد ره‌ڤاندنبوو, و ب شێوه‌یه‌كی توند دابوون بن ئەشكه‌نجه‌یێ, ژ به‌ر لێدانا توند‌, هن جوان راستی شكه‌ستنێ د جانه‌ خوه‌ ده‌ هاتبوو, و ژ بۆ نه‌خوه‌شخانه‌یێ هاتبوون ڤه‌گوهه‌ستن. پشترە چەكدارێن عمشات گەڤ دابوو خەلكێ گوند ئەگەر گلی و گازنان ل پێش كۆمیتا رد المزالم بكن.

گوندێ كاخرێ گونده‌كی سه‌ر ب ناڤچه‌یا مابه‌تا ڤه‌ یه‌, زێده‌تری چارسەد مال تێ ده‌ یه‌, ژ ده‌ما شه‌رێ عە‌فرینێ و تا نها د بن ده‌ستێ چه‌كدارێن عە‌مشات ده‌ یه‌, ژ وێ ده‌مێ ڤه‌ هه‌تا نها ب سه‌دان وه‌لاتیێن گوند, راستی ره‌ڤاندن, ده‌سته‌سه‌ركرن, و ئەشكه‌نجه‌یێ هاتنه‌, هه‌روه‌ها مال و مولكێن وان ژی هاتنه‌ دزین و د دەمسالان دە پەرەێن زۆر ل سەر تێنە سەپاندن.

ش.ع

247