چالاكڤانهكی كورد: سیاسهتا پهیهدێ د ناڤ كامپان ده دكهڤه خزمهتا توركیێ ده
ژ بهر شهر وپهڤچوونێن گران ل عهفرینا رۆژئاڤای كوردستانێ كو د بیستێ مهها یهكێ 2018 تا 18/3/2018 بهردوام كربوو ب ههزاران ژ مالباتێن كوردێن عهفرینێ بهرێ خوه دانه دهردۆرا حهلهبێ وهك فافین حریتان تل رفعت دێرجمال ونبل وزهرایێ .
و ژ وێ دهمێ ده بهرپرسێن پهیهدێ فهرمان دان كو كامپان ژ وان دهربهدران ره دروست بكن وسێ كامپ ل دهردوۆرا حهلهبێ ئاڤاگرن تێده ب ههزاران مالبات جهێ خوه گرتن پشتره سیاسهتا نههشتنا ڤهگهرا خهلكێ ژ بۆ عهفرینێ یان چوونا تاخێن كوردان وهك شێخ مهقسوود وئهشرفیێ ل حهلهبێ ل سهر دهربهدران مهشاندن .
تهفێ رهوشا وان دهرهبدان یا خراب دوور ژ جاڤێن راگهاندنێ یه لێ هن بارچه فیدیۆ هاتن بهلاڤكرن تێده خهلك گلی وگازنێن خوه دهربارێ نهگوهدانا تهندروستی وخزمهتگوزاری دكن .
دوه ژی پێنشهمێ 13/9/2018 چالكڤانان وێنهیا چهسهپاندنا كهرڤانان ل شوونا كۆنان ل ناڤه كامپێن دهردۆرا حهلهبێ بهلاڤكر .
چالكڤانهكی كورد ژ عهفرینێ نهخوهست ناڤێ وی وهره ئهشكهرهن كرن ژ ئاركێ راگهاند كو ب چهسپاندنا كهرهڤانان ل ناڤه كامپێن دهربدهرێن عهفرینێ واتهیا كو ڤهگهر ژ وان ره نهمایه وئهو دێ دناڤه كامپان ده ژیانا خوه دهرباس بكن.
وی چالاكڤانی ههروهها دا دیاركرن كو سیاسهتا پهیهدێ د نههشتنا ڤهگهرا كوردێن عهفرینێ ژ بۆ عهفرینێ دكهڤه بهرژهوهندیا حكومهتا توركیێ وگرووپێن چهكدار ده ودبه سهدهما گوهارتنا دهموغرافی چیاێ كورمێنج.
زێدهرتر ژ سهد ههزار ژ كوردێن عهفرینێ ل ناڤ كامپێن دردۆرا حهلهبێ و كوبانێ وجزیرێ ده بهلاڤبوونه وپرانیا وان د رهوشهكه خراب ده دژین وبهریا نها رهوانگهها سووری یا ماڤێ مرۆڤان راگهاندبوو كو 1000 مالباتێن عهفرینێ ل كۆبانێ وجزیرێ دژین وگلێ وگازنێن خوه ژ كێمبوونا ئالیكاریان و پێشكێشكرنا خزمهتگوزاریان دكن بێ كو بهرپرسێن رێڤهریا پهیهدێ یا خوهسهر گوهدانهكێ بدن وان دهربدهران .
ش.ع
596
