سانا: دەستێ قسد د شەوتاندنا بەرهەمێن چاندنیێ دە هەیە

ئاژانسا فەرمی یا رێژیمێ "سانا" قسد و داعش ب شەوتاندنا بەرهەمێن چاندنیێ ل ناڤچەیێن پارێزگەها حەسەكێ و دێرازۆرێ تۆمەتبار كر.

سانا د چارچۆڤەیا رۆمالكرنا شەوتاندنا بەرهەمێن چاندنیێ دە، ل سەر زارێ ژێدەرنە خوەجهی، چەكدارنە قسد ب پێئكانینا وان شەواتان تۆمەتباركر و گۆت ئەو یەك د چارچۆڤەیا سیاسەتێن ئاستەنگكرنێ دە یە كو قسد لسەر خەلكێ دسەپینە داكو بەرهەمێن خوە نەفرۆشن رێژیمێ، و نەچار ببن خوە نێزیكی قسد بكن.

ل گۆری سانا، كو جۆتكار وەها دبینن كو قسد ب رێیا شەوتاندنا زەڤیێن چاندنیێ هەولا تۆلهلدانێ ژ چۆتكاران و بێپاركرنا وان ژ بەرهەمێن خوە یێن چاندنیێ ددە ژبەر كو ئەو جۆتكار بەرهەمێن خوە نافرۆشن قسد و داكو وان نەچار بكە بەرهەمێن خوە بفرۆشن قسد و تەڤلی رێزێن وێ ببن, وەكە ژێدەرا تەكانە ژبۆ دابینكرنا دەبارا ژیانا خوە.

ل گوندەوارێ دێرازۆرێ ژی، ل گۆری ئاژانسا ناڤبۆری كو قسد زەڤیێن مالباتێن كو تەڤلی قسد نابن و پابەندی بریارێن وێ نابن دشەوتینە، و ل ئالیەكی دن ژی تەرۆریستێن داعشێ و شانةێن وێ یێن ڤەشارتی ژی زەڤیان دشەوتینن وەكە تۆلهلدانێ لدژی كەسێن كو تەڤلی وێ نابن.

ل ناڤچەیێن جزیرا رۆژئاڤایێ كوردستانێ د وەرزێ ئیسال دە 910 هەزار هكتار زەڤی ب گەنم و جەه هاتنە چاندن، و تا نها لگۆری ئامارێن فەرمی 70 هەزار دۆنم زەڤی شەوتینە كو تێ پێشبینیكرن كو 18 هەزار تەن گەنم و جەه ژبەر وان شەواتان تا نها هاتیە ژدەست دان

607