ل عەفرینێ چار وەلاتیێن كورد ژ ئالیێ گروپێن چەكدار ڤە هاتن رەڤاندن
ارك نیوز....ل عەفرینا رۆژئاڤایێ كوردستانی ئەنجامدانا بنپیكرنان ژ ئالیێ گروپێن چەكدار ڤە بەردەوامن ، هەری داوی ژی گروپێن چەكدار چار وەلاتیێن كورد رەڤاندن وبەرڤ جهەكی نەدیار برن ..
رێخستنا مافێن مرۆڤان لعفرینێ راگهاند كو گروپێن چەكدار یێن بسەر حكومەتا سوریا دەمكی ڤە ل ریكەفتا حڤدەهێ چلەیا دووهەزار وبیست ویەكێ دە ل گوندێ ئافرازیێ یێ بسەر ناڤچەیا ماباتا ڤە وەلاتیێ كورد یێ بناڤێ محی الدین محمد شاهین رەڤاندن ، هەروەها ل رێكەفتا نۆزدێ ڤێ مەهێ ژی ب تۆمەتا پەیوەندیا وی ب پەیەدێ رە بەرا نها هەبوو وەلاتیێ كورد یێ بناڤێ سید بحری شیخ سەیدی ژ گوندێ شێخۆیتكا یێ بسەر ناڤچەیا ماباتا ڤە هاتە گرتن ..
لگۆری هەمان رێخستنێ دایە خویاكرن كو پشتی وەرگرتنا هەمان گروپان چەكداران ژ پەرەیان رە ئەو هەردوو وەلاتیێن كورد هاتن سەربەست بەردان ..
رێخستنێ سەربار كر كو دوو وەلاتیێن دنژی ژ ئالیێ هەمان گروپان ڤە هاتن رەڤاندن و تا نها چارەنیڤیسا وان نەدیارە .. رۆژانە ل باژارێ عفرینێ و ناڤچە و گوندێن بسەرڤە وەلاتیێن كورد تێنە رەڤاندن ، كو پرانیا جاران ب ئارمانجا وەرگرتنا پەرەیان ، گروپێن چەكدار وەلاتیان درەڤینن وپشترە ل همبەر پەرەیان سەربەست تێنە بەردان .
258
