لرۆژئاڤایێ كوردستانێ جارەكە دن قەدەغەیا بەشكی هاتە درێژكرن
ارك نيوز .. دەستەیا تەندروستیێ یا بسەر رێڤەبەریا پەیەدێ قەدەغەیا چوونوهاتنی یا بەشكی بۆ دەما پازدە رۆژن دن لسەرانسەری رۆژئاڤایێ كوردستانی درێژكر .
د چارچۆڤەیا ریگریكرن ل بەلاڤبوونا زێدە یا ڤیروسا كۆرۆنایێ لرۆژئاڤایێ كوردستانی ، دەستەیا تەندروستی یا بسەر رێڤەبەریا پەیەدێ بریارا قەدەغەیا چوونوهاتنێ یا بشكی بۆ دەما پازدە رۆژان دن ل تەڤایا ناڤچەیێن كوردی درێژ كر ، قەدەغەیا بەشكی دۆه سێشەمێ پینجێ چلەیێ دەستپێكر و تا نۆزدەهێ ڤێ مەهێ بەردەوام دكە .
لگۆری بریارا قەدەغەیێ، ژبلی بازارێن مەزن ، تەڤایا دوكانێن بازرگانیێ ، دوكانێن خوارن و كەسكاتیێ تا پینجێ ئێڤاری وێ ڤەكری بن ، هەموو جڤینێن مەزن ، هۆلێن شاهیێ، گۆنێن شینیێ ، قەدەغەنە ، هەموو دبستان و زانینگەه ، وناڤەندێن پەروەردەیێ تێنە ڤەكرن ب مەرجی وەرگرتنا تەدابیرێن خوپاراستنێ ، هەموو جهێن ئۆلی ژبلی نمێژا ئینێ وئایینا یەكشەمێ تێنە گرتن بمەرجی وەرگرتنا تەدابیرێن خوەپاراستنێ ، هەروەها دڤێ هەموو وەلاتی ماسكان بكار بینن و پابەندی تەدابیر ورێكارێن خوەباراستنێ بن.
398
