داوین پێشهاتەیێن رەوشا باژاری عین عیسایێ
ارك نيوز .. تۆپبارانكرن و شەر وپەڤچوون ناڤبەرا گروپێن چەكدار یێن بسەر حكومەتا سوریا دەمكی ڤە ژ ئالیەكی و قسدێ ژ ئالیەكی دنڤە ل باژاری عین عیسایێ بەردەوامە هەری داوی ژی تۆپبارانكرنا گوندی ل عین عیسا.
ژێدەرێن خوەجهی راگهاندن كو دەرەنگیا شەڤا بوری جارەكە دن شەوپەڤچوونێن توند ناڤبەرا گروپێن چەكدار و قسدێ دە لسەر بەرەیێن باژاری عین عیسایێ قەومی و د ئەنجامێ كوشتی وبریندار دناڤا هەردوو رێزان دە كەتن .
وەكە هەمان ژێدەرێ دایە خویاكرن كو ژبلی روودانا شەر وپەڤچوونان ناڤبەرا هەردوو ئالیان دە ، گروپێن چەكدار بتوندی هەر یەك ژ گوندێ معلق ،هۆشان و الخالدیە كرنە ئارمانج ، و د ئەنجامی زیانێن مادی روودان .
ژێدەرا ناڤهاتی دا زانین ژی كو ژبەر ئالۆزیا رەوشی ل عین عیسا و گوندێن بسەرڤە و بەردەوامیا شەروپەڤچوونان ژ ئالیەكی و تۆپبارانكرن ژئالیەكی دنڤە ئیدی خەلكێن دەڤەرێ مالێن خوە بجه دهێلن ودەربەدەری دەڤەرێن ئەولەه دبن كو تا نها ب سەدان مالبات مالین خوە جۆل كرنە و دەربدەربوونە .
216
