دەلی: تو پەیوەندیا ئەنەكەسێ ب ئەنجامدانا هەلبژارتنان لرۆژئاڤایێ كوردستانی نینە
ارك نیوز ... سەركردەیەكی پارتیا یكیتیا كوردستانی سوریا دبیژە تو پەیوەندیا ئەنجومەنا نشتیمانیا كورد لسوریێ ب ئەنجامدانا هەلبژارتنان لرۆژئاڤایێ كوردستانێ یاكو فەرماندارێ گشتی یی هێزێن ەسوریا دیمقراتیك بحسا وێ دكە نینە .
مجدل دلی ئەندامێ كۆمیتەیا ناڤەندی یا پارتیا یكیتیا كوردستانی سوریا تایبەت ژ ئاركی رە راگهاند كو یەك ژ شەرت ومەرجێن ئەنەكەسێ ب ئالیێ كوردی یێ دن رە ئەوبوو كو پشتی هەردوو ئالیێن كوردی بگهیژن رێكەفتنەكە گشتی د وێ دەمێ دە وێ هلبژارتن لرۆژئاڤایی كوردستانی وەرنە ئەنجامدان .
دلێ تەكەز ژی كر وگۆت كو یا باش ئەوبوو كو مەزلووم كۆبانی فەرماندارێ گشتی یێ هێزێن سوریا دیمقراتیك یێ كو خوە وەكە گەرەنتۆر ژ پەیەنەكێ رە بناڤ دكە بحسا ئەنجامدانا وان هەلبژارتنان پشتی گهشتنا هەردوو ئالیێن دانوستاندكار بۆ رێكەفتنەكە گشتی كربا نەك بەریا رێكەفتنێ .
ژ ئالیێ خوەڤە ژی بشار ئەمین ئەندامێ پۆلیتبیرۆیا پارتیا دیمقراتا كوردستان سوریا ژ ئارگێ رە راگهاندبوو كو بێ گهشتنا هەردوو ئالیێن كوردی ژ رێكەفتنەكە گشتی رە توو گرێدانا ئەنجومەنا نشتیمانیا نشتیمانیا كورد لسوریێ ب ئەنجامدانا هەلبژارتنان لرۆژئاڤایێ كوردستانێ نینە .
هەروەها سلێمان ئوسۆ سه‌كره‌ته‌رێ پارتیا یه‌كیتی كوردستانی – سووریا لسەر رووپەلا خوە یا تۆرا جڤاكیا فێسبووكێ ره‌خه‌نه‌یێن توند دەربارێ مژارا ئەنجامدانا هلبژارتنان كر وگۆت ،گۆتووبێژیا ل سه‌ر هلبژارتنان بێ كو ئامه‌ژه ب دانووستاندنان كوردی وه‌ره كرن, دكه‌ڤە چارچۆڤه‌یا هه‌ولێن پووچكرنا دانووستاندنێن كوردی كوردی ده .
246
